Posted By indika76 on 10 Apr 2015 04:39 AM
අපේ තාත්තා නම් කීවේ මේක පාලටු ගහක් කියලා..
(ඔයාලා ඒකට කියන්නේ වෙන නමක් කියලද කියලා මම නම් දන්නේ නෑ)

ඕක මදුරුවා දන්නෙත් නැහැ 76 මචෝ..ඉතින් කොහොමද උත්තරේ දෙන්නේ 

Posted By maduranga001 on 10 Apr 2015 04:46 AM
එහෙම කියනවා කියල නම් දන්නේ නැහැ.. නමුත් හොඳ ප්‍රසිද්ධ නමක් තියෙනවා මේ පස්වෙනි එකට...
 

කොරොන් කොරොන් ද..

ඉංග්‍රීසියෙන් නම් Hernandia

http://en.wikipedia.org/wiki/Hernandia

මේ තියෙන්නේ..76 බ්‍රදර් හරි 

කට්ටිය හොයලද ,,මන් මේ කාර්ඩ් කුට්ටම වත් අරන් එන්න හැදුවේ එක කොලයක්  ද කියල බලන්න ....
කට්ටියට දැනගන්න මේක නම් හොද පාඩමක් ගස් කොලන් ගැන

Posted By maduranga001 on 10 Apr 2015 05:50 AM
ඔව්.. හරියටම හරි.. ලංකාවේ කියන්නේ කොලොන් ශාකය කියලා..

ඔන්න මගෙන් සුභ පැතුම්.. හොයන්න උත්සාහ ගත්ත හැමෝම අගේ කරනවා..

දැන් හතම දන්නවා නේද?

දැන් කාට හරි කියන්න පුළුවන් ද මේ ශාක 7 ඇති පොදු වැදගත්කම?

දන්නවද? විශේෂ හේතුවක් ඇතිවයි මම මේ හතම තෝරාගත්තේ..

මේ මේ....ඕව කියලා ශේප් වෙන්න හදන්න එපා මම දවස් දෙකක් නිවාඩු දාල පේරාදෙණියේ & හග්ගල ගියා මෙව්වා හොයන්න, ඉන්දික 76 එක්ක,
කෝ කෝ අපේ ගණන් බේරලා ඉඳහන්......අඩු ගානේ බස් ගාතුව වත් 

මේ කොළ වර්ග හත එන්නේ සිංහල අවුරුද්දෙන් අනතුරුව පැමිණෙන හිසතෙල් ගෑමේ නැකතට.

සතියේ දින හතට අදාළ වෘක්ෂ වර්ග හතක් තියෙනවා.
මේ කොළ වර්ග හත වැදගත් වන්නේ හිසතලේ ගාන නැකත අදාළ වන සතියේ ලැබෙන දිනයට අනුවයි..

අපි හැමෝගෙම සෑම ජිවියෙකුගෙන්ම ශරීරයෙන් කිරණ නිකුත් වෙනවා.. ඒවා සිතුවිළි වලට අදාලව විටින් විට වෙනස් විය හැකියි. නමුත් සුර්යයාගේ ක්‍රියාකාරකම් අනුව අපේ ශරීර වලින් පිටවන මේ කිරණ වල සංඛ්‍යාතයන් දවසේ දිනය තුල පොදුවේ එක ලෙස තියෙනවලු. නමුත් දිනෙන් දින, දවස් හතේ වෙනස් වෙනවා. ඒ කිව්වේ දවස් හතේ හත් විදියක් වගේ අදහසක්.
මේ විදියටම පරිසරයේ තියෙන තුරුලතා වලිනුත් මේ කිරණ නිකුත් වෙනවා. ඒවා ශාකයන් අනුව විවිධයි.. එයත් සතියේ දිනය අනුව වෙනස් වෙනවා.

නමුත් මේ ගස්වලින් පිටවන කිරණත් අපේ ශරීර වලින් පිටවන කිරණත් සමානව ගැලපෙන අයුරින් නිකුත් වෙන විදියට ගලපලා තමයි ඒ ඒ දවස් වලට උචිත කොළ වර්ගය සතියේ දින හතට වෙන් කරලා හදලා තියෙන්නේ...

ඔය හිසතෙල් ගැන නැකත බැලුවම පෙනේවි "හිසට කොහොඹ පත් ද " කියලා කොටසක් තියෙනවා.. බොහෝ විට ඒ මේ සතියේ දවසට අදාළ පත්‍ර වර්ගය තමයි ඔතනින් සඳහන් වෙන්නේ. නැකත වැටෙන්නේ බදාදාවක නම් කොහොඹ අත්තකින් තමයි හිසතෙල් ගාන්න කියන්නේ.. බොහෝවිට ඒ යුෂය හදාගන්නත් ඒ කොළ වර්ගයම ගන්න කියලා සඳහන් වෙනවා.
හිසතෙල් ගාන දිනය අනුව නැකත්කරුවන් නැකත් සෑදීමේදී ඒ දිනයට අදාළ ප්‍රධාන ශාකයක් තොර ගන්නවා.

දින 7ට අදාළ වෘක්‍ෂ

ඉරිදා - ඉඹුල්
සදුදා - දිවුල්
අඟහරුවාදා - කොලොන්
බදාදා - කොහොඹ
බ්‍රහස්පතින්දා - බෝ
සිකුරාදා - කරඳ
සෙනසුරාදා - නුග

(මේ තොරතුරු මම කියවා බලා අසා තියෙන විස්තර මට ගෝචර වුනු විදිය. අඩු පාඩු තියෙන්න පුළුවනි.)

ඉතින් ඔන්න දැන් අමතක වෙන්න විදියක් නැහැ. කොච්චර හිසතෙල් ගැන නැකත ගැන කිව්වත් ඒ ගැන වැඩි අවධානයක් නැහැ නේ අපි. මොනවද කොළ වර්ග. ඇයි මේ එක එක අවුරුදු වල කොළ වර්ගය වෙනස් වෙන්නේ කියලා එහෙම. දැන් දන්නවා ඇති හැමෝම. මේ විස්තර ටික නිකන්ම දැම්ම නම් අන්තිමට "බොහොම ස්තුතියි. හොඳ ලිපියක්" කියල කොමෙන්ටුවක් වැටේවි කියෙව්වත් නැතත්..
මේවා අපේ සංස්කෘතිය. අපි දැනගත්තොත් තමයි ඊලග පරපුරත් මේවා දන ගන්නේ.. ඉතින් මේක තරගයක් වුනු නිසාම මේ කොළ වර්ග ගැන හොදින් දැන ගත්තා කියල හිතෙනවා.

වැඩි විස්තර කියවා ගන්න කැමති අයට..

1. මගුල් කරඳ (http://manthalawa.blogspot.com/2014/04/magul-karanda-sri-lankan-gypsy-people.html)
2. දිවුල් කොළ (http://apeosupela.blogspot.com/2015/02/limonia-acidissima.html)
3. කටු ඉඹුල් - (http://apeosupela.blogspot.com/2014/05/blog-post_19.html)
4. කොහොඹ (http://apeosupela.blogspot.com/2014/11/azadirachta-indica.html)
5. කොලොන් - (http://www.stuartxchange.com/Koron-koron.html)
6. නුග - (http://www.agri.ruh.ac.lk/medicinalplants/medicinal_plants/families/moraceae/plants/maha_%20nuga.html)
7. ඇසතු/ බෝ පත්. (වැඩි විස්තර අනවශ්‍ය බවයි අදහස. බෞද්ධයෝ වුනු ඔබ හැමෝම බෝ වෘක්ෂය ගැන ඕනෙවටත් වඩා දන්නවා ඇති.)

එහෙමනම් හැමෝටම සුභම සුභ අළුත් අවුරුද්දක්..!
තරගයට සහභාගී වෙලා හිටපු අදහස් දක්වපු හැමෝටම බොහොම ස්තුතියි.!!

එකසිය විස්සෙන් දෙසිය විස්සක් ආයුබොහෝ වේවා..!!!