නැමැද දෙපා සරසවි හිමි වරන්                     අරන්
නැහැ අඩු පාඩු කවි මඩුවට ඕන්                   ලයින්
සතර දෙසින් කවි කිවිදියො පැමිණි             බැවින්
මේ ඇරයුමයි සැම වෙත ඔබ එස් එල්           ස්ටන්

දෙනු මැන ඔබේ අගනා පදවැල්             සප්ලයි 
කරලා ඔබේ ඔය හැකියාවන්                ඇප්ලයි 
අඩවිය අපේ වෙබ් ඉන් වැඩිවී                ඔප්ලයි 
හරිනුය මුදා පමණක් මෙහි කවි              රිප්ලයි 

[ඔප්ලයි - ඔප් + ලයි = ඔපය වැටෙනවා]

මා මෙහි ඉන්නෙ වාගෙයි හොදටම            තනිවී
ඇයි හැම දෙනා සේ අඳ හොළු             බිහිරන් වී
නැද්ද සිතෙන්නේ දෙන්නට                 ඔබේ කවී
ඉන්නට වේද එනතුරු "සඳු"                    අද රෑ වී

ෆයිඩ් සහෝ ඔබ කියනා                    ක්‍රිකට් කතා 
කීවේ මා  දෙසතියකටත්                    පෙරය පුතා 
වැඩ නොකෙරුවොත් මින් පසුවත් නොකර සිතා 
එන්නට වේය පිති පන්දුත්                    සමග ඔතා 

කලබල මේ අස්සේ  දැන් නොවැ දැක    ගත්තේ 
හිටිවන කවිය සඳහා වෙන්කර               ඇත්තේ 
මැච් එක නිසා ලේ ගැලුමක් පුච්චා         ගත්තේ 
තිසරයා නිසා    කලිසම යලි ඇඳ            ගත්තේ 

Posted By maduranga001 on 21 Feb 2015 11:03 PM

ෆයිඩ් සහෝ ඔබ කියනා                    ක්‍රිකට් කතා 
කීවේ මා  දෙසතියකටත්                    පෙරය පුතා 
වැඩ නොකෙරුවොත් මින් පසුවත් නොකර සිතා 
එන්නට වේය පිති පන්දුත්                    සමග ඔතා 

කොච්චර හොද උනත් වයසක උන් පුතෝ
මෙහෙම ගියොත් සැමදා අප පරදිනවා පුතෝ
මේ කණ්ඩායම්  තෝරන අපෙ වේ .. . පුතෝ
එපා වෙනවා නැරබුමත් කුසලානේ  මට පුතෝ

Posted By FIDE on 21 Feb 2015 11:24 PM

Posted By maduranga001 on 21 Feb 2015 11:03 PM

ෆයිඩ් සහෝ ඔබ කියනා                    ක්‍රිකට් කතා 
කීවේ මා  දෙසතියකටත්                    පෙරය පුතා 
වැඩ නොකෙරුවොත් මින් පසුවත් නොකර සිතා 
එන්නට වේය පිති පන්දුත්                    සමග ඔතා 

කොච්චර හොද උනත් වයසක උන් පුතෝ
මෙහෙම ගියොත් සැමදා අප පරදිනවා පුතෝ
මේ කණ්ඩායම්  තෝරන අපෙ වේ .. . පුතෝ
එපා වෙනවා නැරබුමත් කුසලානේ  මට පුතෝ

 

 

මැච් එක ඉවර උනා අවසානෙදි සිතු          ලෙසා 
අඳුර පහව හිරු  ආලෝකය          වැටුණු     නිසා 
වලා  රොදින් වැසී තිබුණු සතර                     දිසා    
බැට් කෙරුවේ අමාරුවෙන් දෝලනය         නිසා

කියූ විටදී මෙලෙසින් වී           අවංක 
නොවූ  මැනවි තරහා වත්        කලංක
විසූ බැවින් ගෙදරට  වී             තිවංක 
අසූ හතයි නේ අද නුඹ හට      ඉමල්ක 

[කලංකය - ඉතා කුඩා මිනුම් ඒකකයක්
තිවංක - තුන් තැනකින් වක වූ/තුන් තැනකින් නැමුණු]

Posted By maduranga001 on 21 Feb 2015 11:51 PM

කියූ විටදී මෙලෙසින් වී           අවංක 
නොවූ  මැනවි තරහා වත්        කලංක
විසූ බැවින් ගෙදරට  වී             තිවංක 
අසූ හතයි නේ අද නුඹ හට      ඉමල්ක 

 

[කලංකය - ඉතා කුඩා මිනුම් ඒකකයක්
තිවංක - තුන් තැනකින් වක වූ/තුන් තැනකින් නැමුණු]

ඔබ කියූ පරිදි මම අද ගෙදරයි                  ඉන්නේ 
මීටර් අඟල් කිරමින් සැම තැන               මැන්නේ 
තුන් වක යමක් ගෙයි නම්  දක්නට           නෑනේ 
ඇස් ඇර බලනු අළු අඩු විද ඔබේ    ගෙයි පහනේ 

අළු = ආලෝකය 
ගෙයි පහන = බිරිඳ 

නිවසෙහි මගේ අඩු නැත පහනේ          දැල්ල 
අපහසු වන තරමටම ඇය කර ගනු      මෙල්ල 
අතගා සෙව්ව මුත් කොර වන තුරු       බෙල්ල
සොයලා නොමැති වාගෙයි අවැසිම       මුල්ල 

Posted By maduranga001 on 22 Feb 2015 01:42 AM

නිවසෙහි මගේ අඩු නැත පහනේ          දැල්ල 
අපහසු වන තරමටම ඇය කර ගනු      මෙල්ල 
අතගා සෙව්ව මුත් කොර වන තුරු       බෙල්ල
සොයලා නොමැති වාගෙයි අවැසිම       මුල්ල 

පිහිනුම්  කරන්නට ගොස්  අසනීපයි  බිරිඳගේ බෙල්ල 
කොලරය පැළඳ ඇත  ඇහෙයි දවසෙම      මැසිවිල්ල 
අසනීපයෙන් පසුවනන්නේ ඒගැන මගේ   සැලකිල්ල 
මේ දිනවල මම නොයමි හොයනට ඔබ කියූ     මුල්ල 

අසනීපයි කියා ඇත්තේ ඇය              මුසාවකි 
පෙනෙනවා ඔබේ මුහුණේ වැහි         වළාවකි
කරමින් යන්නෙ ඔබ සැමදා              මුලාවකි 
දැන් ගැළපෙන්නෙ අසුබානුස්       බාවනාවකි

[අසුබානුස් බාවනාව - අසුභානුස්සති භාවනාව]

Posted By maduranga001 on 22 Feb 2015 02:18 AM

අසනීපයි කියා ඇත්තේ ඇය              මුසාවකි 
පෙනෙනවා ඔබේ මුහුණේ වැහි         වළාවකි
කරමින් යන්නෙ ඔබ සැමදා              මුලාවකි 
දැන් ගැළපෙන්නේ අසුබානුස්       බාවනාවකි

[අසුබානුස් බාවනාව - අසුභානුස්සති භාවනාව]

ඔබේ අත් දැකීමට එය නීති පතා ඇත            සිදු වීලා 
බිරිඳගේ තත්වය ගැන ඔබටත්                දෙමි කියලා 
අද දින ගත්තේ "ඒක්ස්රේ" දොස්තර මහත්මිය කියලා 
පෙරදිග බෙහෙත් බොන්නේ කිරලා              මැනලා 

යකෝ අනිත් එවුන් කවි දන්නේ නැද්ද ..?
අඩු ගානේ දාපල්ලකෝ මේවගේ බස් කවියක් වත් 

අප හට සිදු වේය ලොකු ලොකු දඩ              කන්න
සෙසු හැම දෙනා හට සිදුවෙයි             තෙරපෙන්න
ඔබගේ පසුම්බිය ඉඩ ඇත                  නැති වෙන්න
පාපුවරුවෙ නොසිට කරුණාකර       ඇතුලට යන්න

මදුරන්ගයෝ මට ඇති දැන්            කවි ලියලා 
මේකෙන් වෙන්නේ බොරුවට     දහදිය දමලා
වෙනකෙන් අවොතින් පමණක් කවියක් දමලා
මම ඉන්නෙමි රිප්ලයි දෙන්නට            සැදිලා 

හොඳ නැහැ පුතෝ ඔබ කරනා ඔය        සෙල්ලම්
ඔය වයසට ඕවා වී යන්නේ                    ලෙල්ලම් 
ඇස් රේ වට්ටෝරුවලටම ඔබ වී               සල්ලම් 
සැමදා හැදෙන්නේ නැහැ ගස් වල කජු      පුහුලම් 

ඔබ හරි ඉමල්කයො මෙමටද  දැන්               සිතෙන්නේ 
මේ කවි බලනවාදැයි තව වෙන සැකයක්            එන්නේ 
එක ලයික්කුවක්වත් නැහැ නේ බොල          වැටෙන්නේ 
නොබලනවුන්ට මොකටද කවි                        ලියන්නේ  

[ලයික්කුව - ලයික් කිරීමේ සිංහල උප වචනය]

Posted By maduranga001 on 22 Feb 2015 02:41 AM

හොඳ නැහැ පුතෝ ඔබ කරනා ඔය        සෙල්ලම්
ඔය වයසට ඕවා වී යන්නේ                    ලෙල්ලම් 
ඇස් රේ වට්ටෝරුවලටම ඔබ වී               සල්ලම් 
සැමදා හැදෙන්නේ නැහැ ගස් වල කජු      පුහුලම් 

පිස්සුද  මචෝ නොම කරනෙමි මම                  සෙල්ලන් 
කන්නාඩියෙන් බැලුවිට පෙනෙන්නේ බිරිඳට     කෙල්ලන් 
මම නැහැ නොවැ කරන්නේ මට බැරි               සෙල්ලන් 
ඇහේ තු කාලේන      කජ්ජේන                          පුහුලන් 

ඇහේ තු කාලේන කජ්ජේන පුහුලන්

මෙහි අර්ථය -

නරක කල දසාව ආවිට කජ්ජ ගහේ  තියෙද්දිත් පුලම  බිම වැටෙනවා යන්නයි. එනම් සෑම දේම  අනිත්‍යයි යන්න ය 

ඒ නිසා ...කරන  දෙයක්  පරෙස්සමින්