අයිතිකාරයා - ටිරාන් අකුරැස්ස

වෙන කාගෙවත්ම වෙන්ට බෑලූ
තව කාටවත්ම ඇහැ යන්නෑලූ
අයිතිවෙන්නේ මටලූ..මගේම විතරලූ
අයිතිකාරයා වෙන්නලූ....

හිත පොඩ්ඩක් බය වෙලාලු
දුක එහෙමත් දැනෙනවාලු
මාවම මතක් වෙනවලූ....//
හීනෙන් පේනවාලු..මායම් දානවාලු
ඇවිල්ලා අරන් යන්නලු...//

වෙන කාගෙවත්ම වෙන්ට....

ඉස්සර මෙහෙම නෑලු
වෙනදේ දන්නේ නෑලු
තාමත් හරි පුදුමයිලු....//
මාවම හුරුවෙලාලු...නැතුවම බැරි වෙලාලු
වෙන අය ඕනෙම නෑලූ....//

වෙන කාගෙවත්ම වෙන්ට....

ගායනය - ටිරාන් අකුරැස්ස (සහරා ෆ්ලෑෂ්)

Posted By indika76 on 14 Jun 2018 04:57 AM
බොරු නොකියා හිටපං මල්ලී..
මේ ෂෝ එක බලන්න ආව කෙල්ලෙක් වෙන්න ඇති...

මෙයා කතරගම කෙල්ලෙක්..

අවපස අහසට - විශාරද සුනිල් එදිරිසිංහ

අවපස අහසට තරු ලකුණක් සේ
අපමණ සයුරක තුරු දසුනක් සේ
දිගු දිවි ගමනේ...
ඉම ඔබ රැඳුනේ....//

මාවත අවහිර නිමවා
දළ රළ පෙළ සැතපෙනවා
සැළ මුතු සෙනෙහස මඳ පවනක් වී
ගැඹරේ නිම මුමුණනවා..

අවපස අහසට තරු.....

දෝතක අසනිය ගවසා
ඔබ පෙර මඟ හිනැහෙනවා
විකසිත සිහිනේ සුබ කවියක් වී
දෙනෙතේ සිත ලියවෙනවා..

අවපස අහසට තරු.....

         ගායනය - විශාරද සුනිල් එදිරිසිංහ
           පද රචනය - කුලරත්න ආරියවංශ
  සංගීතය - රෝහණ වීරසිංහ

ගිනි මලක් - කිත්සිරි ජයසේකර

ගිනි මලක් පිපුණාය දොරකඩ
වරක් නොව තව වතාවක්
සඳක් සේ දිලිසුනා පුරපස
පිපුණී දොරකඩ රන් මලක්....//

මදහසක් දිලිසීය මුව අග
නිමේශයකට කඩ ඉමක් ඇඳ
නමුදු ඒ හස කඩා කඩඉම්
ගෙන ගියා අප අනන්තය වෙත
ගෙන ගියා අප අනන්තය වෙත

ගිනි මලක් පිපුණාය........

දුටිමු අප ඇගෙ ඇසිපියන් යට
දෙසිත් කැලඹු නිල් උපුල් යුග
දැවී දැවී සැනසුනා අප සිත්
තැබී ඈ තව පියවරක් දුර
තැබී ඈ තව පියවරක් දුර

ගිනි මලක් පිපුණාය........

 ගායනය - කිත්සිරි ජයසේකර
                                පද රචනය -  ධම්ම දිසානායක / කීර්ති ආරියදාස
සංගීතය - ලලිත් වික්‍රමරත්න

 මල් වට්ටියක් වෙන්දේසියක් -  විශාරද සුනිල් එදිරිසිංහ

මල් වට්ටියක් වෙන්දේසියක්
පන්සලේ ලොකු පිංකමක් බුදුහිමියනේ
ඔබ පුදන්නට ගමේ දෙපිළක තරඟයක්
මල් වට්ටියක්.....//

පිනට දහමට නුහුරු අතහිත
දුකට පිහිටට නොහිටි නෙත සිත
තරඟයක වැද උනුන් සිත් පරදා
මහන් තත්ත්වය රකීවී

මල් වට්ටියක් වෙන්දේසියක්....

තරඟ ඇතිමුත් ලොවේ දස අත
තරඟ කුමටද බුදුන් පිදුමට
සතර රියනක තනිව සැතපෙන දා..
තරඟයද කෙළවරක් වේ

මල් වට්ටියක් වෙන්දේසියක්....

          ගායනය - විශාරද සුනිල් එදිරිසිංහ
         පද රචනය - සුනිල් ආර්.ගමගේ
   සංගීතය - රෝහණ වීරසිංහ

මලින් මලට ඉඟිලුනාට - විශාරද සුනිල් එදිරිසිංහ

මලින් මලට ඉඟිලුනාට සමනලයින් නොවේ
අපි මලින් මලේ පැණි පෙරුවට වන බඹරුන් නොවේ...//

හිතේ ගින්න අවුලාගෙන හුරතල් පොඩි එවුන්නේ
කුසේ ගින්න සනහන්නයි අතුරේ පිය මනින්නේ
මලට කලින් අපි තැළිලයි පූදින මල් තලන්නේ
අපේ දුකට හඬන මලේ කඳුලයි පැණි කෙරෙන්නේ

මලින් මලට ඉඟිලුනාට....//

අහසින් වඩින පින ලැබිලයි උඩ සක්මන් කරන්නේ
පෙළහර පාන්නයි තිස් පැය ගුවනේ සැරිසරන්නේ
නැතිබැරි කමයි උඩු හුළඟේ ලණු දෙපොටින් වැනෙන්නේ
සවුදිය පුරන මහ පොළවට අපි දහඩිය වඩන්නේ

මලින් මලට ඉඟිලුනාට....////

         ගායනය - විශාරද සුනිල් එදිරිසිංහ
           පද රචනය - කුමාරදාස සපුතන්ත්‍රී
  සංගීතය - රෝහණ වීරසිංහ

වීඩියෝවත් බැලුවා කෙල්ලෙක් හිටපු නිසා