උදරයේ තරම දැන ආහාර පාන ගන්න

නාගත්තාට පසුව ශරීරය පිස දැමුවද අතරින් පතර වතුර බිංදුවක් දෙකක් පිස දැමී නැතිව ඇගේ රැඳී තිබෙන අවස්ථා ඔබ දැක ඇති. ඒ ආකාරගත් වතුර බිබිලක් දෙකක් පපුවෙන් හෝ අතේ ඉහළින් මතුවී උණ ඇඟපත වේදනාව සමග පවතී නම් ඔබේ සැකය බොහෝ දුරට නිවැරදිය. එදා පටන් අපි මෙම රෝගය හඳුන්වන්නේ පැ‍පොල කියාය.

මෙම රෝගයට හේතුව විෂබිජයකි. විෂබිජ යනු අපේ ශරීරයේ කොටසක් නොවේ. ඒවා අපේ ශරීරය ආක්‍රමණය කරන සතුරු හමුදාවකි. එහෙත් එම බිෂබිජ අපේ ඇසට නොපෙනෙන තරමේ ඉතා සියුම් ස්වභාවයකින් යුතු වන නිසා හොර රහසේම අපේ ශරීර තුළට රිංගා ගන්නට ඒවා දක්ෂවේ.

අද අප කතා කරන පැ‍පොල රෝගයට හේතුවන විෂබිජය වෛරසයකි. පැ‍පොල වෛරසය ශරීරගත වූ රෝගියෙකු කහින හෝ කිවිසන විට පිටවන ලක්ෂ සංඛ්‍යාත කෙළ බිඳිති සමග එම වෛරසය පරිසරයට මුදාහැරීම සිදුවේ. ඔබ කණ්ණාඩියක් ඉදිරිපිට සිට කටින් හුස්ම පිටකළ විටදි කොතරම් නම් කෙළ බිඳිති ප්‍රමාණයක් වීදුරු පෘෂ්ඨය මත තැන්පත් වනවාද ? ඒ ආකාරයේ කෙළ බිඳක ඇති එකම එක වෛරසයක් නිරෝගී අයෙකුගේ ශරීරයට ඇතුළු වන්නේ ආශ්වාස කරන හුස්මත් සමගය.

ඉන්පසුව එම වෛරසය ශරීරය පුරාම පැතිරී යාමත් සමග සම මත බිබිලි එක දෙක මතු වන්නට පටන් ගනී. පෙර කී ආකාරයට පළමු බිබිල හෝ දෙක පපුවෙහි හෝ අතේ ඉහළින් හටගෙන වරුවක් පමණ ගතවනවිට බුබුළු එක දෙක වැඩිවන්නට පටන් ගනී. පසුදා වන විටදී මුළු ශරීරය පුරාම පාහේ මෙම බිබිලි පැතිරී පැවැතිය හැකිය.

පැ‍පොල රෝගයෙන් බේරෙන අයෙකු නැති තරමට ඕනෑම අයෙකුට තම ජීවිත කාලයේ කෙදිනක හෝ පැ‍පොල වැලඳෙන්නට ඉඩ ඇත. පැ‍පොල වැලඳුන විටදී එය සුව වන්නේ සතියකට පසුවය. තරුණ වියේදී හට ගන්නා පැ‍පොල සුව වීම පිළිබඳව ගැටලුවක් නැත. එහෙත් අවුරුදු හැට හැත්තෑව පසු වූවන්ට පැ‍පොල වැලඳීම සිතනවාට වඩා බරපතල තත්ත්වයට පත්වන අවස්ථා තිබේ. එවැනි අයෙකු උණ, හුස්ම ගැනීමේ අපහසුව සමග නියුමෝනියාව දක්වා අසාධ්‍ය තත්ත්වයට පත්වී මරණයට පත්වන අවස්ථාද නැතිවා නොවේ. එතරම් අසාධ්‍ය තත්ත්වයට පත්වන්නේ ජීවිතයේ ඊට පෙරදී කිසිදා පැ‍පොල රෝගයට ගොදුරු නොවූ අයෙකි. ඒ නිසා තරුණ වයසේදී වැලඳෙන පැ‍පොල තමන්ගේ ජීවිතයට වූ යහපතක්    කොට සලකා බාර ගැනීමේ වරදක් නැත. ඒ පැ‍පොල වැලඳෙන්නේ ජීවිත කාලයටම එක් වතාවක් පමණක් වන නිසාය.

ශරීරයට හුරුපුරුදු වූ පැ‍පොල වෛරසය තවත් වරක් ශරීරය බාර ගන්නේ නැත. නැවත පැ‍පොල වෛරසයක් ශරීරයට ඇතුළු වුවද ප්‍රබල සටනකින් පසුව සෑම විටම ශරීරය ජය ලබන්නේ පැ‍පොල වෛරසය ඉතා හොඳින් ශරීරය හඳුනාගෙන සිටි නිසාය. කිසිදින පැ‍පොල වැලඳුනේ නැති ශරීරයකට ඊට විරුද්ධව එවැනි සටනක් කරන්නට නොහැකි වන්නේ ශරීරය එම වෛරසය නොහඳුනන නිසාය.

මේ සියලු කරදරවලින් මිදෙන්නට අවශ්‍ය නම් දැන් ඒ සඳහාද එන්නතක් තිබේ. එහෙත් කුඩා කල ලබාදෙන එන්නත් පන්තියට පැ‍පොල සඳහා වූ එන්නත් ඇතුලත් කර නැත්තේ පැ‍පොල යනු ශරීරයට ප්‍රබල කරදරයක් ඇති කරන රෝගයක් නොවන නිසාය. එහෙත් ඕනෑම අයෙකුට මුදල් ගෙවා එම එන්නත ලබා ගැනීමට පුද්ගලික වෛද්‍ය මධ්‍යස්ථාන රට පුරාම පවතී.

පැ‍පොල පළමු බිබිල මතු වූ වාහම එම එන්නත ලබාගත හැකි නම් යම් පමණක සහනයක් ළඟාකර ගත හැකිය. එම එන්නත මගින් ශරීරයට ඇතුළු කරන්නේද පැ‍පොල වෛරසයටය. එහෙත් එය කෘත්‍රිමව අකර්මණ්‍ය කරන ලද තත්ත්වයක ඇති වෛරසයකි. පැ‍පොල සෑදීමට තරම් ශක්තියක් ඒ වෛරසය සතුව නැත. ශරීරයට එම වෛරසය එන්නතක් ආකාරයට ඇතුළු කළ විට පැ‍පොල වෛරසය යනු කුමක්දැයි ශරීරය හොඳින්ම හඳුනා ගනී. ඉන්පසුව පැ‍පොල වෛරසය සමග සටන් කරන්නට ශරීරය සූදානම් වන්නේ පැ‍පොල එක් වරක් සෑදුණු රෝගියෙකුට නොදවෛනි ආකාරයටය.

පැ‍පොල සෑදුණු රෝගියෙකු සම්පූර්ණයෙන් සුවපත් වුවත් වෙනත් රෝග කාරක වෛරස් මෙන් පැ‍පොල වෛරසය ශරීරයෙන් සහමුලින්ම ඉවත්කර දමන්නට කිසිවෙකුට නොහැකිය. එයට හේතුව එම වෛරසය සැඟවී සිටින්නට කිසිවෙකුට ළඟාවිය නොහැකි ඉතාමත්ම රහසිගත ස්ථානයක් තෝරා ගැනීමය. එසේ සැඟවෙන වෛරසය එම පුද්ගලයාට කිසිදු කරදරයක් නොදී ඉතා මිත්‍රශීලීව මුළු ජීවිත කාලය පුරාම සැඟවී ජීවත්වන බව පැවසුවහොත් ඔබ එය පිළිගන්නවාද?

එහෙත් යම් හේතුවක් නිසා එලෙස සැඟවී සිටින වෛරසයක් ඒ සැඟවී සිටින රහසිගත තැනින් පිටතට පැමිණියහොත් සිදුවන්නේ කුමක්ද? එතෙක් සැඟවී සිටි තැනින් ඈත් මෑත් වූ වෛරසයට එතැන් සිට මිත්‍රශීලී හැසිරීමක් නැත. පැ‍පොල රෝගය පිළිබඳව ඔබ කොතෙකුත් අසා තිබුණද අංශ පැ‍පොල නම් රෝගී තත්ත්වය පිළිබඳව ඔබ එතරම්  අසා නොතිබිය හැකිය. අංශ පැ‍පොල නම් රෝගී තත්ත්වය ඇතිකරවන්නේ ශරීරය තුළ එතෙක් සැඟවී සිට එතැනින් පිටතට පැමිණි පැ‍පොල වෛරසයයි. පැ‍පොල රෝගයට වඩා ඉතා පීඩාකාරී අංශ පැ‍පොල රෝගී තත්ත්වය පිළිබඳව අපි ලබන සතියේ තවදුරටත් සාකච්ඡා කරමු.

ගාල්ල කරාපිටිය ශික්ෂණ රෝහ‍ලේ කායික රෝග විශේෂඥ වෛද්‍ය  උපුල් ද සිල්වා අවධාරණය කරයි

උත්පලා සුභාෂිනී ජයසේකර

කලකට ඉහත අපට පිළකා රෝගියෙකු ගැන අසන්නට ලැබුණේ ඉතාම කලාතුරකිනි. නමුත් දැන් දැන් පිළිකාව යනු ඉතාම සුලභ රෝගී තත්ත්වයක් බවට පත්ව තිබෙන්නේ ඉතාම අවාසනාවන්ත ආකාරයටය. මේ නිසාම පිළිකාවක් වැලඳුණු කෙනෙකු සමග කටයුතු කරන ආකාරය ගැන දැනුවත්ව සිටීම කොයි කාටත් ප්‍රයෝජනවත් විය හැකිය. මන්ද සිතින් , ගතින් රෝගී වන  එවන්  කෙනෙකු රැක බලා ගැනීම නිවැරැදි ආකාරයට කළ යුත්තක් වන බැවිනි.

විශේෂයෙන්ම සමාජය දැනුවත්විය යුතු ප්‍රධානතම කරුණ වන්නේ පිළිකාව යනු බෝ නොවන රෝගයක් බවය.  පිළිකා රෝගියකුට සාත්තු සප්පායම් කිරීමට, ළඟින් ඇසුරු කිරීමට කිසිසේත්ම බිය විය යුතු නැත. පිළිකාවකින් ගැලවීමට නිසි ඖෂධ ප්‍රතිකාර සේම කරුණාවන්තව කරන සත්කාරද මොනවට හේතුවෙයි. රෝගියාට සාත්තු කිරීමේදී වෛද්‍ය උපදෙස් පිළිපැදීමටද  උත්සුක වන්න.

විශේෂයෙන් රෝගියා ශාරීරිකව දැනෙන අධික වේදනාකාරී බවින් සේම සිතට වදදෙන මේ රෝගය හා සම්බන්ධ බියජනක සිතුවිලිවලින් පීඩා විඳින බව සිහියේ තබාගෙන කරුණාවෙන් පිළිසරණ වන්න. රෝගියාට නිතරම ඇහුම්කන් දීම අතිශයින් වැදගත්ය. රෝගියාගේ හැඟීම් බලා‍පොරොත්තු සිතුවිලි පිළිබඳව සුහඳව කතාබස් කිරීමට වග බලා ගන්න. අසන ප්‍රශ්නවලට නිවැරැදි පිළිතුරු ලබාදෙන්න. රෝගියා තුළ ජීවිතය පිළිබඳව විශ්වාසය ගොඩනගන්න. ආගමික කටයුතුවල නිරතවීමට අවස්ථාව සලසා දෙන්න. අවශ්‍ය විටෙක උපදේශන සේවා සඳහා යොමු කරන්න.

රෝගීවීමට පෙර පවුල තුළ ඔහුට හෝ ඇයට තිබූ තැන අහිමි නොකිරීමට  පවු‍ලේ සැමදෙනාම දැනුවත්ව සිටිය යුතුය. රෝගියාට සාත්තු සපයන්නෙකු වේ නම් ඔහු හෝ ඇය විඩාවට පත් නොවන ආකාරයට පවු‍ලේ අයගේද සහය ලබා දෙන්න. කිසියම් වැටුපකට හෝ ඒ ලබාදෙන සේවයට නිසි ඇඟයුමක් ලබා දීමට උත්සුක වී ඒ අය හා සමග හැකිතරම් සුහඳව කටයුතු කරන්න. රෝගියාට පාසල් යන වයසේ දරුවන් සිටී නම් පාස‍ලේ ගුරුවරුන්ට මෙම තත්ත්වය දැනුම් දීම  ඒ අයගේ සහය ලබාගැනීමටද හේතුවෙයි.

 අඹුසැමි සබඳතා රැකගැනීමට උතුස්ක වන්න. මෙවැනි  ජීවිතයේ බැරෑරුම් අවස්ථාවකදී සැමියාට බිරිඳකගේ  සේම බිරිඳකට සැමියාගේ ආදරය  කරුණාව, වෙනදාටත් වඩා අවශ්‍ය වන බව සිහි තබා ගැනීම අතිශයින් වැදගත්ය. එවැනි සබඳතා පවත්වාගෙන යාමට  කිසියම් බාධා ගැටලු ඇත්නම් 'අවශ්‍ය කරන  වෛද්‍ය උපදෙස් ලබාගැනීමට යොමුවන්න.

පවු‍ලේ කෙනෙකු පිළිකාවකට බඳුන්වීම විසල් ආර්ථික  ගැටලු මවා දෙන්නක් බව කිව යුතු නැත. අවශ්‍ය විටෙක ඥාති, මිත්‍රයන්ගේ සහය, උදව් උපකාර  ලබාගැනීමට පසුබට නොවන්න. එසේම රජයෙන් ලබාදෙන   සහනාධාර පිළිබඳව දැනුවත් වන්න. සහන  සත්කාර සේවා සපයන ස්වේච්ඡා ආයතනවලින්ද සහය පැතිය හැක. එසේම රෝගියාට කිසියම් ස්වයං රැකියාවක හෝ නිරතවීමේ හැකියාව තිබේනම් ඒ ගැන උනන්දුවෙන් කටයුතු කරන්න.  එවැනි දෙයක නිරතවීම හරහා රෝගියාගේ ආර්ථික මට්ටම ශක්තිමත් වනවා සේම තමන් ගැන  කිසියම් ආත්ම විශ්වාසයක්ද වර්ධනය වේ.

පිළිකා රෝගීන්ට ආධාර උපකාර ලබාදීමේ  වැඩසටහන් රැසක් තිබේ. අදාළ ප්‍රාදේශීය ‍ලේකම් කාර්යාලයෙන් ඇයැදුම්පත් ලබා ගන්න. අඩුආදායම් ලාභී පවුල්වල රෝගීන් සඳහා වෙන් වූ ආධාර වැඩසටහන්ද  ඇත. ඒවා ගැන දැනුවත්ව අදාළ ආධාර  මුදල් ලබා ගෙන රෝගියාගේ සුවපහසුව සලසාදීමට කාරුණික වන්න.

උපදෙස් ජාතික පිළිකා මර්දන වැඩසටහනේ විශේෂඥ වෛද්‍ය සුරාජ් පෙරේරා

සටහන නිර්මලා කුමාරි සේනාරත්න

එදිනෙදා ජීවිතයේ අප කිසියම් කාර්යයක නිරත වී සිටියදී පුංචි පුංචි  අනතුරු සිදු විය හැකිය. පුංචිම නොවුණත් උළුක්කු තත්ත්වයන් අපට ඇති වෙන්න පුළුවන්. උළුක්කුවකදී සිදු වන්නේ අපේ ශරීරයේ අස්ථි වටා  තිබෙන බන්දනී හා බණ්ඩාරා වලින් සෑදී තිබෙන ආවරණය අතුරෙන් බන්ධනී කොටසට හානියක් ඇති වීමයි. මෙහිදී බන්ධනී ඇදීම, ඉරීයාම වැනි ආපදා තත්ත්වයකට පත් විය හැකියි. එහිදී එම සන්ධි ආශ්‍රිතව චලනය කිරීම ඉතාම වේදනාත්මක තත්ත්වයට පත් වෙනවා. මෙහිදී අධික වේදනාවක්  සමගම සන්ධි අවට ප්‍රදේශය ඉදිමීමද සිදු විය හැකිය.

මෙලෙස අප ශරීරයේ උළුක්කුවට ලක් විය හැකි එක් ස්ථානයක් තමයි දෙඅතේ මැණික්කටුව නම් වූ සන්ධි ප්‍රදේශය. හදිසි ලිස්සීමකදී හෝ වැටීමකදී ඉන් ඇති වන හානිය වළක්වා ගැනීමට අප නොදැනුවත්වම ක්ෂණයකින් අත බිමට  තැබිමක් සිදුවිය හැකිය. උළුක්කුවක් ඇති විය හැකි ශරීරයේ තවත් සන්ධියක් තමයි දෙපාවල වළලුකර ප්‍රදේශය. හදිසියේ පයින් ගමන් කිරීමේදී හෝ වාහනයකින් බැසීමකදී මදක් අවදානම් තැනකදී සිදු කරන කෙටි පැනීමකදී හෝ පාදයක වළලුකර ප්‍රදේශය උළුක්කුවට ලක් වීමක් සිදු වෙන්න පුළුවන්. මෙම අවස්ථා දෙකෙහිම මැණික් කටුව හා වළලුකර යන සන්ධිවල බන්ධනී ආපදාවට ලක් වීම උළුක්කුවක් ලෙස හඳුන්වනවා. මෙහිදී මුලින් අවශ්‍ය වන්නේ රෝගියාට ප්‍රථමාධාර ලබා දීමයි.

උළුක්කුවකදී නිවසේදී කළ හැකි ප්‍රතිකර්ම

උළුක්කුවක් ඇති වූ අවස්ථාවක වෛද්‍යවරයකු වෙත රෝගියා රැගෙන යනතුරු කළ යුතු කළ හැකි ප්‍රතිකාර (ප්‍රථමාධාර) කීපයක් මෙසේයි.

* උළුක්කුව ඇති වූ පෙදෙසට අයිස් තැබිම - මෙහිදී උළුක්කුව ඇති වූ සන්ධිය ආශ්‍රිත ප්‍රදේශය විනාඩි 15-20 පමණ අයිස් පැක් එකකින් හොඳින් තැවීම කළ යුතුයි. පැයෙන්පැයට පමණ තුන් හතර වතාවක් මෙම ප්‍රථමාධාරය රෝගියාට ලබා දිය හැකිය.

* සන්ධිය බිඳී නැති බවක් හැඟෙයි නම් පතුරක් හෝ පතුරු දෙකක් තබා නොසෙල්වෙන සේ ලිහිල්ව පිරිසිදු රෙදි කඩකින්  පීඩාවට ලක් වූ ස්ථානය වෙළා රෝගියා ප්‍රවේශමෙන් වෛද්‍යවරයකු වෙත ගෙන යන්න. වේදනාව අසීමිත නම් වෙළීම හෝ බැන්ඩේජ් කිරීම සිදු නොකරන්න.

* උළුක්කුවට ලක් වූ ස්ථානය නොසෙල්වෙන ලෙස කොට්ටයක් වැනි දෙයක් උපකාරි කරගෙන මදක් උස්ව පිහිටුවා විවේකීව තබන්න.

* වේදනාව දුරු කිරීම සඳහා පැරසිටමෝල් වැනි වේදනා නාශකයක් පමණක් ලබා දී වෛද්‍යවරයකු වෙත හෝ රෝහලක් වෙත රැගෙන යන්න.

රඹුක්කන කීර්ති එස්. කුමාර

ඇස් වලින් නිතර කඳුළු ගලනවා නම් !

ඇසිපියවල ආසාදනයන් වලදී දෑසින් නිතරම කඳුළු ගැලීමක් සිදු විය හැකියි. දැඩි සුළඟට මුහුණ දීම, වායු සමනය කළ ස්ථානවල වැඩි කාලයක් රැඳීම, විවිධ රෝගී තත්වයන් හා ඒ සඳහා භාවිතා කරන සමහර ඖෂධ වර්ග, දෑස් බාගෙට පියවී නිදා ගැනීම වැනි තත්වයන් නිසා මෙසේ දෑස්වල කඳුළු අසාමාන්‍ය ලෙස ඇති විය හැකිය. බාහිරින් යමක් ඇසට වැටීමෙන් ද මෙවැනි තත්වයන් ඇති විය හැකියි. මෙවන් විටෙක හැකි ඉක්මනින්ම අක්ෂි වෛද්‍යවරයෙකුගේ උපදෙස් අනුව කටයුතු කළ යුතුය.

නිතරම ඇස් රතු වෙනවාද

කබ කඳුළු ගලා හෝ ඇස් කැසීම නිසා ඇස් රතු වීම ද යහපත් නැත. අපිරිසිදු ස්ථානවල ගැවසීමෙන් මෙම ආසාදන තත්වය ඇති වේ. අපිරිසිදු දෑතිින් දෑස් පිස දැමීම ද මීට හේතුවකි. දෑත් අපිරිසිදු වූ හැම විටම දෑත් පිරිසිදු කර ගැනීම ඉතාම අත්‍යවශ්‍යය. මෙහිදී ඇස් කසා ඇස් රතු වී දෑස් පියන් ඉදිමීමට ඉඩ නොදී අක්ෂී වෛද්‍ය උපදෙස් අනුව කටයුතු කිරීම කළ යුතුමය.

රඹුක්කන කීර්ති එස්. කුමාර

Posted By chamaramind on 05 Nov 2018 08:01 PM

පිළිකා රෝගීන්ගේ ආත්ම විශ්වාසය දියුණු කරමු

කලකට ඉහත අපට පිළකා රෝගියෙකු ගැන අසන්නට ලැබුණේ ඉතාම කලාතුරකිනි. නමුත් දැන් දැන් පිළිකාව යනු ඉතාම සුලභ රෝගී තත්ත්වයක් බවට පත්ව තිබෙන්නේ ඉතාම අවාසනාවන්ත ආකාරයටය. මේ නිසාම පිළිකාවක් වැලඳුණු කෙනෙකු සමග කටයුතු කරන ආකාරය ගැන දැනුවත්ව සිටීම කොයි කාටත් ප්‍රයෝජනවත් විය හැකිය. මන්ද සිතින් , ගතින් රෝගී වන  එවන්  කෙනෙකු රැක බලා ගැනීම නිවැරැදි ආකාරයට කළ යුත්තක් වන බැවිනි.

විශේෂයෙන්ම සමාජය දැනුවත්විය යුතු ප්‍රධානතම කරුණ වන්නේ පිළිකාව යනු බෝ නොවන රෝගයක් බවය.  පිළිකා රෝගියකුට සාත්තු සප්පායම් කිරීමට, ළඟින් ඇසුරු කිරීමට කිසිසේත්ම බිය විය යුතු නැත. පිළිකාවකින් ගැලවීමට නිසි ඖෂධ ප්‍රතිකාර සේම කරුණාවන්තව කරන සත්කාරද මොනවට හේතුවෙයි. රෝගියාට සාත්තු කිරීමේදී වෛද්‍ය උපදෙස් පිළිපැදීමටද  උත්සුක වන්න.

විශේෂයෙන් රෝගියා ශාරීරිකව දැනෙන අධික වේදනාකාරී බවින් සේම සිතට වදදෙන මේ රෝගය හා සම්බන්ධ බියජනක සිතුවිලිවලින් පීඩා විඳින බව සිහියේ තබාගෙන කරුණාවෙන් පිළිසරණ වන්න. රෝගියාට නිතරම ඇහුම්කන් දීම අතිශයින් වැදගත්ය. රෝගියාගේ හැඟීම් බලා‍පොරොත්තු සිතුවිලි පිළිබඳව සුහඳව කතාබස් කිරීමට වග බලා ගන්න. අසන ප්‍රශ්නවලට නිවැරැදි පිළිතුරු ලබාදෙන්න. රෝගියා තුළ ජීවිතය පිළිබඳව විශ්වාසය ගොඩනගන්න. ආගමික කටයුතුවල නිරතවීමට අවස්ථාව සලසා දෙන්න. අවශ්‍ය විටෙක උපදේශන සේවා සඳහා යොමු කරන්න.

රෝගීවීමට පෙර පවුල තුළ ඔහුට හෝ ඇයට තිබූ තැන අහිමි නොකිරීමට  පවු‍ලේ සැමදෙනාම දැනුවත්ව සිටිය යුතුය. රෝගියාට සාත්තු සපයන්නෙකු වේ නම් ඔහු හෝ ඇය විඩාවට පත් නොවන ආකාරයට පවු‍ලේ අයගේද සහය ලබා දෙන්න. කිසියම් වැටුපකට හෝ ඒ ලබාදෙන සේවයට නිසි ඇඟයුමක් ලබා දීමට උත්සුක වී ඒ අය හා සමග හැකිතරම් සුහඳව කටයුතු කරන්න. රෝගියාට පාසල් යන වයසේ දරුවන් සිටී නම් පාස‍ලේ ගුරුවරුන්ට මෙම තත්ත්වය දැනුම් දීම  ඒ අයගේ සහය ලබාගැනීමටද හේතුවෙයි.

 අඹුසැමි සබඳතා රැකගැනීමට උතුස්ක වන්න. මෙවැනි  ජීවිතයේ බැරෑරුම් අවස්ථාවකදී සැමියාට බිරිඳකගේ  සේම බිරිඳකට සැමියාගේ ආදරය  කරුණාව, වෙනදාටත් වඩා අවශ්‍ය වන බව සිහි තබා ගැනීම අතිශයින් වැදගත්ය. එවැනි සබඳතා පවත්වාගෙන යාමට  කිසියම් බාධා ගැටලු ඇත්නම් 'අවශ්‍ය කරන  වෛද්‍ය උපදෙස් ලබාගැනීමට යොමුවන්න.

පවු‍ලේ කෙනෙකු පිළිකාවකට බඳුන්වීම විසල් ආර්ථික  ගැටලු මවා දෙන්නක් බව කිව යුතු නැත. අවශ්‍ය විටෙක ඥාති, මිත්‍රයන්ගේ සහය, උදව් උපකාර  ලබාගැනීමට පසුබට නොවන්න. එසේම රජයෙන් ලබාදෙන   සහනාධාර පිළිබඳව දැනුවත් වන්න. සහන  සත්කාර සේවා සපයන ස්වේච්ඡා ආයතනවලින්ද සහය පැතිය හැක. එසේම රෝගියාට කිසියම් ස්වයං රැකියාවක හෝ නිරතවීමේ හැකියාව තිබේනම් ඒ ගැන උනන්දුවෙන් කටයුතු කරන්න.  එවැනි දෙයක නිරතවීම හරහා රෝගියාගේ ආර්ථික මට්ටම ශක්තිමත් වනවා සේම තමන් ගැන  කිසියම් ආත්ම විශ්වාසයක්ද වර්ධනය වේ.

පිළිකා රෝගීන්ට ආධාර උපකාර ලබාදීමේ  වැඩසටහන් රැසක් තිබේ. අදාළ ප්‍රාදේශීය ‍ලේකම් කාර්යාලයෙන් ඇයැදුම්පත් ලබා ගන්න. අඩුආදායම් ලාභී පවුල්වල රෝගීන් සඳහා වෙන් වූ ආධාර වැඩසටහන්ද  ඇත. ඒවා ගැන දැනුවත්ව අදාළ ආධාර  මුදල් ලබා ගෙන රෝගියාගේ සුවපහසුව සලසාදීමට කාරුණික වන්න.

උපදෙස් ජාතික පිළිකා මර්දන වැඩසටහනේ විශේෂඥ වෛද්‍ය සුරාජ් පෙරේරා

සටහන නිර්මලා කුමාරි සේනාරත්න