සෙට් වෙන කොට ඉතින් බයිට් එකක් නැතුව සෙට් වෙන්නෙ නෑනෙ. හොටේල් එකකට ගියත් ගෙදර සෙට් උනත් බයිට් නම් අනිවාර්යයි. හැබැයි ඉතින් හොටේල් එකකට ගිහින් ගන්න පෙපර් පෝක්, හොට් බටර් කට්ල්ෆිශ්, කංකුං බීෆ් වගේ බයිට් ඩිශ් එකක් නෙවෙයි ගෙදර සෙට් වෙද්දි ගන්නෙ. සොසේජස් ටිකක්, මික්ස්චර් පැකට් එකක් වැඩිම උනොත් චිකන් ඩෙවල් එකක්. ඇයි ගෙදර සෙට් වෙද්දි හොටේල් එකකදි වගේ බයිට් එකක් නැත්තෙ? ඒකට හේතු දෙකයි. එකක් තමා වියදම. ගෙදර සෙට් වෙන්නත් හොටේල් එකකින් බයිට් එකක් ගෙන්න ගන්න එක ටිකක් සැර වියදම් වැඩක්. අනික තමා අඩු වියදමට ගෙදර හදගන්න ඕන උනත් හදන්න දන්නෙ නැතිකම.

අනිවා අපි ඔය අන්තිම ප්‍රශ්නෙට විසඳුමක් දෙන්නම්. හොටේල් එකකින් ගන්න බයිට්ස් කොහොමද ගෙදර හදාගන්නෙ කියල. කඩෙන් ගන්නවට වඩා ගෙදරම හදාගනිද්දි ගාණත් අඩුයි වගේම ඒ ගාණට වටින තරම් ලොකු පෝශන් එකක් හදාගන්නත් පුළුවන්. මේ ඔයාල සෙට් වෙද්දි ගන්න කැමතිම බයිට්ස් ටික ගෙදරම හදාගන්න රෙසිපි. ට්‍රයි කලොත් නෝනා ගෙදර නැති වෙලාවක ඔයාලටම හදාගන්නත් බැරි නෑ . නෝනා නැතුව තනියම මේ දේවල් හදන්න බෑ වගේ හිතෙනවනම් කොල්ලොන්ටත් තනියම හදාගන්න පුළුවන් ලේසිම බයිට්ස් වර්ග 5ක් මේ ලින්ක් එකට ගිහින් බලන්න.

1. Kangkung Beef

Source – whimsicalchef.com

• සිහින් පෙති කපාගත් බීෆ් 400g (පෝක් හෝ මට්න් බීෆ් වෙනුවට ගන්නත් පුළුවන්)
• සුද්ද කරගත් කංකුං මිටි බාගයක් (මේරූ නටු ඉවත් කරගන්න.)
• සිහින්ව පෙති කපාගත් සුදු ලූනු බික් 4ක්
• ඔයිස්ටර් සෝස් මේස හැන්දක්
• සෝයා සෝස් මේස හැඳි 2
• රස අනුව ලුණු
• චිලි පේස්ට් මේස හැන්දක්
• කෑලි මිරිස් සැර අනුව

1. කංකුං සෝදා පිරිසිදු කර වතුර බේරෙන්නට තබාගන්න. බීෆ් වලට කෑලි මිරිස්, සෝස් සහ ලුණු එක් කර විනාඩි 15ක් පමණ වසා තබන්න.
2. තෙල් මේස හැඳි 2ක් පමණ රත් වෙන්න තබා එයට පෙති කපාගත් සුදු ලූනු එක් කරන්න. එයට බීෆ් ටික එක් කර තරමක් අඩු ගින්දරේ හැන්දකින් පෙරලමින් බීෆ් ටික බැදෙන තුරු පිසගන්න.
3. බීෆ් ටික පිසුනු පසු එයට චිලි පේස්ට් සහ කංකුං මිශ්‍ර කර කංකුං ටික මැලවේගෙන එන විටම ලිපෙන් ඉවත් කරගන්න. අවශ්‍ය නම් දෙහි ඇඹුල් ටිකක් උඩින් ඉස ගන්න.

2. Hot Butter Cuttlefish

Source – youtube.com

• පිරිසිදු කරගත් දැල්ලො 200g
• කෝන් පිටි 200g
• ලුණු තේ හැඳි 1\2
• කහ ස්වල්පයක්
• බිත්තර සුදු මද
• චොප් කරගත් සුදු ලූනු තේ හැඳි 1
• බටර් මේස හැඳි 1
• සීනි තේ හැඳි 1\2
• චිලි පේස්ට් මේස හැඳි 1
• තෙල් තේ හැඳි 1
• කපාගත් මාළු මිරිස් කරලක්
• අඟල් 2ක දිගට කපාගත් ලූණු කොල ටිකක් (ලූනු කොටසත් සමඟ)
• කපාගත් වියලි මිරිස් කරල් 2ක්

1. දැල්ලන් වල තෙත පිරිසිදු රෙද්දකින් පිසදා වෙන් නොවෙන සේ යන්තම් පිහි තුඩින් ඇතුළු ඇත්තේ ඉරි ඇඳ කුඩා කොටු කපා ගන්න. කඩදාසියක රැලි කපනව වගේ ඒ කොටු වල එක පැත්තක් හීනි තීරු කපාගන්න. (දැල්ලාගේ හිස පැත්තේ සිට පහලට මේ විදියට රැලි කපාගන්න එක පහසුයි.)
2. කෝන් පිටි වලට ලුණු තේ හැඳි 1\2 සහ කහ ඇඟිලි තුඩින් ගන්න තරම් ප්‍රමාණ දෙකක් විතර දාල මික්ස් කරගන්න.
3. කපා ගත් දැල්ලන්ට බිත්තර සුදු මදය එක් කර හොඳින් මිශ්‍ර කරගන්න. කෝන් පිටි වල දැල්ලන් දවටා රත් වූ ගැඹුරු තෙලේ විනාඩි 2,3ක් පමණ බැදගන්න.
4. වෙනම පෑන් එකක් රත් වෙන්න තබා එයට තෙල් තේ හැන්දක් එක් කර එයට සුදු ලූනු, බටර්, චිලි පේස්ට්, තෙල්, සීනි එක් කර මිශ්‍ර කරගන්න.
5. එයට බැදගත් දැල්ලන්, මාලු මිරිස්, වියලි මිරිස් සහ ලූනු කොල එක් කර හොඳින් මිශ්‍ර කරගන්න.

3. Black Pepper Pork

Source – camemberu.com

• කුඩාවට කපාගත් පෝක් 500g
• ගම්මිරිස් ඇට තේ හැඳි 2
• ඔයිස්ටර් සෝස් මේස හැඳි 2
• සෝයා සෝස් තේ හැඳි 2
• චොප් කරගත් සුදු ලූනු බික් 2
• කොටු කපාගත් මාළු මිරිස් කරලක්
• කොටු කපාගත් බී ලූනු ගෙඩියක්
• කෝන් පිටි තේ හැඳි 1\2
• ලුණු

1. ගම්මිරිස් ඇට ටික කුඩු කරගන්න. කලින් කුඩු කරපු ගම්මිරිස් ගන්නවට වඩා එවෙලෙම කුඩු කරල ගන්න එක තමා වඩා හොඳ.
2. පෝක් ටික සෝදා එයට ගම්මිරිස් වලින් 3\4ක් පමණ එක් කරගන්න.සෝස් වර්ග දෙක සමඟ රස අනුව ලුණු එක් කර හොඳින් මිශ්‍ර කර විනාඩි 15ක් හෝ පැය භාගයක් පමණ වසා තබන්න.
3. තෙල් මේස හැඳි 2ක් පමණ රත් වෙන්න තබා එයට පෝක් ටික එකතු කරගන්න. කලවම් නොකර විනාඩි 2, 3ක් බැදෙන්න හරින්න.
4. බාජනයේ ඉතිරිව ඇති සෝස් වලට වතුර මේස හැඳි 3ක් එක් කර එයට කෝන් පිටි තේ හැඳි 1\2ක් දිය කර පෝක් එකට දමා මිශ්‍ර කරන්න.
5. විටින් විට හැඳි ගාමින් විනාඩි 10ක් පමණ පිස ගෙන කපාගත් මාලු මිරිස්, ලූනු සහ සුදු ලූනු එක් කර කලවම් කර තවත් විනාඩි 10ක් පමණ අඩුම ගින්දරේ පිසගෙන ඩිශ් එකකට දමා ඉතිරි ගම්මිරිස් කුඩු ටික උඩින් ඉසගන්න.

4. Butter Prawns

Source – healthandbeautyteam.com

• සුද්ද කරගත් ඉස්සන් 400g
• චොප් කරගත් සුදු ලූනු බික් 15ක් පමණ
• තෙල් තේ හැඳි 2
• බටර් මේස හැඳි 2
• ලුණු රස අනුව
• අළුතෙන් කුඩු කරගත් ගම්මිරිස් තේ හැඳි 2
• දෙහි යුශ තේ හැඳි 1

1. සෝදාගත් ඉස්සන්ට ලුණු සහ දෙහි ඉස්ම ටික ඉස පසෙකින් තබාගන්න. තෙල් තේ හැඳි 2ක් රත් වෙන්න තබා එයට බටර් එක් කර එයට චොප් කරගත් සුදු ලූනු දමා විනාඩියක් පමන තෙම්පරාදු කරගන්න. එයටම ගම්මිරිස් කුඩු එක් කර ඉස්සන්ද එක් කරගන්න.
2. අඩු ගින්දරේ විටින් විට හැඳි ගාමින් විනාඩි 2, 3ක් වසා තබන්න. ඉස්සන් හොඳින් පිසුණු පසු දෙහි ඉස්ම ටිකක් උඩින් ඉසගන්න.

5. Lemon Chicken

Source – picturetherecipe.com

• කුඩාවට කපාගත් කටු රහිත චිකන් බ්‍රෙස්ට් 1
• බිත්තර සුදු මද 1
• කෝන් පිටි කප් 1\4
• පාන් පිටි කප් 1\4
• සෝයා සෝස් තේ හැඳි 1\2
• දෙහි හෝ ලෙමන් යුශ තේ හැඳි 3
• සීනි තේ හැඳි 1
• වතුර මේස හැඳි 5
• කෝන් පිටි තේ හැන්දක්
• ලුණු රස අනුව

1. චිකන් වලට සෝයා සෝස් එක් කර මිශ්‍ර කර විනාඩි 15ක් පමණ වසා තබන්න.
2. දෙහි හෝ ලෙමන් යුශ, සීනි, වතුර, ලුණු සහ කෝන් පිටි තේ හැන්ද එකට මිශ්‍ර කර පසෙකින් තබාගන්න
3. කෝන් පිටි වලට ලුණු ස්වල්පයක් සහ පාන් පිටි එක් කර හොඳින් මිශ්‍ර කර බිත්තර සුදුමද තවරාගත් චිකන් කැබලි එහි දවටා රත් වූ ගැඹුරු තෙලේ රන්වන් පාට වනතුරු බැදගෙන තෙල් බේරෙන්නට තබාගන්න.
4. මිශ්‍ර කරගත් ලෙමන් මිශ්‍රණය නන්ස්ටික් පෑන් එකකට දමා බුබුළු දමන තුරු රත් කර බැදගත් චිකන් උඩින් දමා මිශ්‍ර කරගන්න.

WOW....I want to try kankung with beef....

Posted By සඳුනි on 13 Nov 2016 12:15 PM
සමන්ත මාමා බයිට්ම දෙන්නේ මොකෝ
කට්ටිය නරක කරන්න එපා හී

අපි මීට කලින් බියර් වලින් හදන්න පුළුවන් කෑම වර්ග ගැන කිව්ව. මේ කියන්න හදන්නෙ අරක්කු වලින් එහෙමත් නැත්නම් හාර්ඩ් ලිකර් එකතු කරල හදාගන්න පුළුවන් කෑම වර්ග ගැන. බොන්න තියෙන එක මොකටද කෑමකට දාන්නෙ කියල හිතුන නේද? එහෙම බෝතල් ගණන් මේ කෑම වලට දාන්නෙ නැහැ. බොහොම පොඩි ප්‍රමාණයක් තමා එකතු කරන්නෙ. ඒකෙන් හදන කෑම එකට විශේෂ රසක් වගේම සුවඳක් එකතු කරනව. විශේෂයෙන් මස් වර්ග පිලියෙල කිරීමේදී අපි භාවිතා කරන හැම රසකාරකයක්ම මස් වලට හොඳින් උරා ගැනීමට ඇල්කොහොල් උපකාර වෙනව.

මේ සඳහා ඕනෑම මත්පැන් වර්ගයක් ඔබට භාවිතා කරන්න පුළුවන්. කුකින් වයින් වගේ ඉවීමටම විශේෂ වූ වයින් වර්ග හෝ බ්‍රැන්ඩි අවශ්‍ය නැහැ. හැබැයි මෙහෙම හදන කෑම වලින් මත් බවක් ඇති වෙන්නෙ නැති බව මතක් කරලම කියන්න ඕනෙ. මත්පැන් වල ඇති ඇල්කොහොල් පිසීමේදී වාෂ්ප වෙන නිසා එයින් ආහාරයට එක් වන රසය හැරුණු කොට මත් බවක් ඇති වෙන්නෙ නෑ.

1. Chocolate Brownies

Source – allrecipes.com

• කුකින් චොකලට් 100g
• බටර් කප් 1\2
• දුඹුරු සීනි කප් 3\4
• සුදු සීනි කප් 3\4
• බිත්තර 2
• බ්‍රැන්ඩි මේස හැඳි 4
• වැනිලා තේ හැඳි 1
• ගාගත් දොඩම් ලෙලි තේ හැඳි 1
• පාන් පිටි කප් 3\4
• ලුණු පින්ච් එකක්

1. බටර් සහ චොකල්ට් වලින් භාගයක් ඉතාම අඩු ගින්දරේ ලිප තබා උණු කරගන්න. වෙනම බඳුනක බිත්තර සහ සීනි මෘදු වන තුරු හොඳින් බීට් කරගන්න.
2. එයට මෙල්ට් කරගත් චොකලට් සියල්ල, බ්‍රැන්ඩි වලින් මේස හැඳි 3ක්, වැනිලා සහ දොඩම් ලෙලි එක් කර හොඳින් මිශ්‍ර කරගන්න. එයට පිටි, ලුණු සහ ඉතිරි චොකලට් කුඩාවට කපා එක් කර නැවත මිශ්‍ර කරගන්න.
   අඟල් 8 දිග සහ පළල ඇති තැටියක හොඳින් බටර් තවරා උඩින් යන්තමට පිටි ඉස සකස් කරගත් මිශ්‍රණය දමා ගන්න.
3. සෙල්සියස් 175ට පෙර රත් කරන ලද උඳුනක විනාඩි 30ත් 35ත් අතර කාලයක් බේක් කරගන්න.
4. බේක් කර පිටතට ගත් පසු ඉතිරි බ්‍රැන්ඩි මේස හැන්ද උඩින් තවරාගන්න. ෆොයිල් එකකින් හෝ පොලිතින් එකකින් සම්පූර්ණයෙන් ආවරණය කර හොඳින් නිවෙන්නට තබා අඟල් 2ක කොටු කපාගන්න. භාවිතයට ගන්නා තුරු හොඳින් ආවරණය කර තබාගන්න.

2. Christmas Cake

Source – annabel-langbein.com

• වියලි පලතුරු කප් 3\4
• රෙඩ් රම් කප් 1\2
• බටර් කප් 1\2
• පිටි කප් 1\2
• කිරි මේස හැඳි 2
• ගෝල්ඩන් සිරප් කප් 1\4
• ලුණු තේ හැඳි 1\4
• බේකින් සෝඩා 1\8
• බිත්තර 1ක්
• කුරුඳු කුඩු තේ හැඳි 1\4
• චොප් කරගත් කජු කප් 1\4
• කිරි මේස හැඳි 2

1. වියලි පලතුරු රම් කප් 1\4ක දමා පැය 24ක් කාමර උෂ්ණත්වයේ වසා තබාගන්න.
2. වෙනම බඳුනක් ගෙන එයා බටර් සහ සීනි එක් කර ක්‍රීම් වන තුරු බීට් කරගන්න. එයට බිත්තරය එක් කර නැවත බීට් කරන්න.
3. පිටි, බේකින් සෝඩා, ලුණු සහ කුරුඳු කුඩු එකට හලා ගෙන බිත්තර සහ බටර් මිශ්‍රණයට තුන් වරකට එකතු කරමින් ලී හැන්දකින් මිශ්‍ර කරගන්න. එයටම ගෝල්ඩන් සිරප් සහ කිරිත් එක් කරගන්න.
4. පොඟවා ගත් පලතුරු සහ කජුත් එක් කර සාදාගත් මිශ්‍රණය අඟල් 6×3 හොඳින් බටර් තවරාගත් පාන් පුළුස්සන තැටියකට දමා ගන්න.
5. සෙල්සියස් 165ට පෙර රත් කරගත් උඳුනක විනාඩි 40ත් 45ත් අතර වේලාවක් බේක් කරගන්න. විනාඩි 10ක් නිවෙන්න හැර රම් මේස හැඳි 2ක් උඩින් ඉස ගන්න.
6. තෙල් කඩදාසියක් ගෙන ඒ මත රම් මේස හැන්දකින් පොඟවා ගත් තුනී රෙදි කැබැල්ලක් ඒ මත එලා සාදාගත් කේක් එක ඒ මැදින් තබා හොඳින් ඔතාගන්න. හුලන් නොවදින සේ හොඳින් වැසුනු බඳුනක දමා දින 7කට පසු රස බලන්න ගන්න. ඊට වඩා කාලයක් උනත් තියන තරමට මෙහි රස වැඩි බව කියන්න කැමතියි.

3. Frozen Margarita Pie

Source – scatteredthoughtsofacraftymom.com

ක්‍රස්ට් එක සඳහා

• හොඳින් කුඩු කරගත් බිස්කට් කප් 1 (ක්‍රීම් ක්‍රැකර් වැනි පැණි රස රහිත බිස්කට් වර්ගයක්)
• සුදු සීනි කප් 1\4
• මාගරින් කප් 1\3

ෆිලින්ග් එක සඳහා

• මිල්ක්මේඩ් 115g
• බීමට හැකි ලෙස සාදාගත් දෙහි යුෂ කප් 1\3 (අයිස් වන තුරු ෆ්‍රීස් කරගන්න)
• ලෙමන් ජින් මේස හැඳි 2
• දොඩම් යුෂ මේස හැන්දක්
• කොල පාට ෆුඩ් කලරින් බින්දු දෙකක්
• විප් ක්‍රීම් කප් 1
• පෙති කපාගත් කොල පාට දෙහි ගෙඩියක්

1. බිස්කට් කුඩු සහ සීනි හොඳින් කලවම් කරගන්න. එයට මාගරින් එක් කර හොඳින් අනාගන්න. අඟල් 9ක පයි ප්ලේට් එකක් ගෙන එයට සාදාගත් බිස්කට් මිශ්‍රණය දමා හොඳින් තද කරන්න. සෙල්සියස් 190ට පෙර රත් කරන ලද උඳුනක විනාඩි 5ක් බේක් කරගෙන නිවෙන්නට තබා ගන්න.
2. මිල්ක්මේඩ්, දෙහි යුෂ, දොඩම් යුෂ, ජින් සහ කලරින් වෙනම බෝල් එකක හොඳින් මිශ්‍ර කරගන්න.
3. වෙනම බඳුනක විප් ක්‍රීම් ඝණ වනතුරු හොඳින් බීට් කරගන්න. එය සාදාගත් මිල්ක්මේඩ් මිශ්‍රණයට හැන්දකින් එක් කරමින් කලවම් කරගන්න.
4. සාදාගත් ෆිලින්ග් එක නිවා ගත් ක්‍රස්ට් එකට පුරවා හොඳින් ආවරණය කර පැය 4ක් ෆ්‍රීස් කරගන්න. පිලිගැන්වීමට විනාඩි 10කට පෙර පිටතින් තබාගන්න.

4. Chicken Marinated with Vodka

Source – thekitchenprescription.com

• කටු රහිත චිකන් 500g
• ගාගත් දෙහි ලෙලි තේ හැඳි 1\2
• දෙහි බෑයක යුෂ
• එළවලු තෙල් මේස හැන්දක්
• චොප් කරගත් මින්චි කොල මේස හැන්දක්
• වොඩ්කා හෝ වයිට් රම් කප් 1\4
• සීනි මේස හැඳි 1
• ලුනු තේ හැඳි 1\4

1. අවශ්‍ය ද්‍රව්‍ය සියල්ල හොඳින් එකට මිශ්‍ර කර චිකන් මත තවරාගන්න.
2. විටින් විට දෙපැත්ත හරවමින් පැය දෙක තුනක් ශීතකරණයේ තබා ගන්න.
3. තෙල් තවරාගත් තැටියක චිකන් ටික තබා සෙල්සියස් 170ට පෙර රත් කරන ලද උඳුනක පැයක් හෝ චිකන් ටික හොඳින් රන්වන් පැහැවී මැද පිසෙන තුරු බේක් කරගන්න.
4. එහෙමත් නැත්නම් මේ විදියට මැරිනේට් කරපු චිකන් එක ඔයාලට කැමති නම් ග්‍රිල් කරගන්නත් පුළුවන්.

5. Beef Stroganoff

Source – epicurious.com

• 500g බීෆ්, පෝක් හෝ චිකන් බ්‍රෙස්ට් 1ක්
• චොප් කරගත් ලූනු ගෙඩියක්
• චොප් කරගත් සුදු ලූනු බික් 2
• දෙහි ගෙඩියක්
• හීනියට ලියාගත් හතු මිටක්
• පාස්ලි කොල මිටක්
• පැප්රිකා හෝ මිරිස් කුඩු තේ හැන්දක්
• ලුණුම්මිරිස් කුඩු
• ඔලිව් තෙල් ටිකක්
• බ්‍රැන්ඩි කප් 1\2
• යෝගට් එකක්

1. මස් කොටස රෝලින් පින් එකකින් තරමක් තලා ඇඟිල්ලක් තරම් මහත කොටස් වලට කපාගන්න.
2. පැප්රිකා, ලුණු, ගම්මිරිස් කුඩු සහ ගාගත් දෙහි ලෙලි එකට මිශ්‍ර කර මස් වලට එක් කර හොඳින් කලවම් කරන්න.
3. තෙල් ටිකක් පෑන් එකකට දමා රත් වෙන්න හැර එයට ලූනු සහ සුදු ලූනු එක් කර අඩුම ගින්දරේ තෙම්පරාදු කරගන්න. ගින්දර තරමක් වැඩි කර එයටම හතු සහ බටර් එක් කර මිශ්‍ර කරගන්න. හතු ටික රන් වන් පැහැ වන තුරු බැදගෙන පෑන් එකෙන් ඉවත් කරගන්න.
4. ඒ පෑන් එකටම තව තෙල් ස්වල්පයක් එක් කර තෙල් රත් වූ පසු මස් ටික එයට දමා මස් තරමක් පිසෙන තුරු විනාඩි 2ක් පමන තෙම්පරාදු කරගන්න.
5. එයට හතු මිශ්‍රණය එක් කර එයටම බ්‍රැන්ඩි සහ යෝගට් එක් කර මද ගින්නේ හිඳෙන තුරු පිස ගන්න.

Posted By samantha on 19 Nov 2016 12:10 AM

හාඩ් ලිකර් යොදාගෙන හදන මේ රසවත්ම රෙසිපි 5 පරක්කු නොවී හදමුද?

 

අපි මීට කලින් බියර් වලින් හදන්න පුළුවන් කෑම වර්ග ගැන කිව්ව. මේ කියන්න හදන්නෙ අරක්කු වලින් එහෙමත් නැත්නම් හාර්ඩ් ලිකර් එකතු කරල හදාගන්න පුළුවන් කෑම වර්ග ගැන. බොන්න තියෙන එක මොකටද කෑමකට දාන්නෙ කියල හිතුන නේද? එහෙම බෝතල් ගණන් මේ කෑම වලට දාන්නෙ නැහැ. බොහොම පොඩි ප්‍රමාණයක් තමා එකතු කරන්නෙ. ඒකෙන් හදන කෑම එකට විශේෂ රසක් වගේම සුවඳක් එකතු කරනව. විශේෂයෙන් මස් වර්ග පිලියෙල කිරීමේදී අපි භාවිතා කරන හැම රසකාරකයක්ම මස් වලට හොඳින් උරා ගැනීමට ඇල්කොහොල් උපකාර වෙනව.

මේ සඳහා ඕනෑම මත්පැන් වර්ගයක් ඔබට භාවිතා කරන්න පුළුවන්. කුකින් වයින් වගේ ඉවීමටම විශේෂ වූ වයින් වර්ග හෝ බ්‍රැන්ඩි අවශ්‍ය නැහැ. හැබැයි මෙහෙම හදන කෑම වලින් මත් බවක් ඇති වෙන්නෙ නැති බව මතක් කරලම කියන්න ඕනෙ. මත්පැන් වල ඇති ඇල්කොහොල් පිසීමේදී වාෂ්ප වෙන නිසා එයින් ආහාරයට එක් වන රසය හැරුණු කොට මත් බවක් ඇති වෙන්නෙ නෑ.

 

1. Chocolate Brownies

Source – allrecipes.com

• කුකින් චොකලට් 100g
• බටර් කප් 1\2
• දුඹුරු සීනි කප් 3\4
• සුදු සීනි කප් 3\4
• බිත්තර 2
• බ්‍රැන්ඩි මේස හැඳි 4
• වැනිලා තේ හැඳි 1
• ගාගත් දොඩම් ලෙලි තේ හැඳි 1
• පාන් පිටි කප් 3\4
• ලුණු පින්ච් එකක්

 

1. බටර් සහ චොකල්ට් වලින් භාගයක් ඉතාම අඩු ගින්දරේ ලිප තබා උණු කරගන්න. වෙනම බඳුනක බිත්තර සහ සීනි මෘදු වන තුරු හොඳින් බීට් කරගන්න.
2. එයට මෙල්ට් කරගත් චොකලට් සියල්ල, බ්‍රැන්ඩි වලින් මේස හැඳි 3ක්, වැනිලා සහ දොඩම් ලෙලි එක් කර හොඳින් මිශ්‍ර කරගන්න. එයට පිටි, ලුණු සහ ඉතිරි චොකලට් කුඩාවට කපා එක් කර නැවත මිශ්‍ර කරගන්න.
   අඟල් 8 දිග සහ පළල ඇති තැටියක හොඳින් බටර් තවරා උඩින් යන්තමට පිටි ඉස සකස් කරගත් මිශ්‍රණය දමා ගන්න.
3. සෙල්සියස් 175ට පෙර රත් කරන ලද උඳුනක විනාඩි 30ත් 35ත් අතර කාලයක් බේක් කරගන්න.
4. බේක් කර පිටතට ගත් පසු ඉතිරි බ්‍රැන්ඩි මේස හැන්ද උඩින් තවරාගන්න. ෆොයිල් එකකින් හෝ පොලිතින් එකකින් සම්පූර්ණයෙන් ආවරණය කර හොඳින් නිවෙන්නට තබා අඟල් 2ක කොටු කපාගන්න. භාවිතයට ගන්නා තුරු හොඳින් ආවරණය කර තබාගන්න.

 

2. Christmas Cake

Source – annabel-langbein.com

• වියලි පලතුරු කප් 3\4
• රෙඩ් රම් කප් 1\2
• බටර් කප් 1\2
• පිටි කප් 1\2
• කිරි මේස හැඳි 2
• ගෝල්ඩන් සිරප් කප් 1\4
• ලුණු තේ හැඳි 1\4
• බේකින් සෝඩා 1\8
• බිත්තර 1ක්
• කුරුඳු කුඩු තේ හැඳි 1\4
• චොප් කරගත් කජු කප් 1\4
• කිරි මේස හැඳි 2

 

1. වියලි පලතුරු රම් කප් 1\4ක දමා පැය 24ක් කාමර උෂ්ණත්වයේ වසා තබාගන්න.
2. වෙනම බඳුනක් ගෙන එයා බටර් සහ සීනි එක් කර ක්‍රීම් වන තුරු බීට් කරගන්න. එයට බිත්තරය එක් කර නැවත බීට් කරන්න.
3. පිටි, බේකින් සෝඩා, ලුණු සහ කුරුඳු කුඩු එකට හලා ගෙන බිත්තර සහ බටර් මිශ්‍රණයට තුන් වරකට එකතු කරමින් ලී හැන්දකින් මිශ්‍ර කරගන්න. එයටම ගෝල්ඩන් සිරප් සහ කිරිත් එක් කරගන්න.
4. පොඟවා ගත් පලතුරු සහ කජුත් එක් කර සාදාගත් මිශ්‍රණය අඟල් 6×3 හොඳින් බටර් තවරාගත් පාන් පුළුස්සන තැටියකට දමා ගන්න.
5. සෙල්සියස් 165ට පෙර රත් කරගත් උඳුනක විනාඩි 40ත් 45ත් අතර වේලාවක් බේක් කරගන්න. විනාඩි 10ක් නිවෙන්න හැර රම් මේස හැඳි 2ක් උඩින් ඉස ගන්න.
6. තෙල් කඩදාසියක් ගෙන ඒ මත රම් මේස හැන්දකින් පොඟවා ගත් තුනී රෙදි කැබැල්ලක් ඒ මත එලා සාදාගත් කේක් එක ඒ මැදින් තබා හොඳින් ඔතාගන්න. හුලන් නොවදින සේ හොඳින් වැසුනු බඳුනක දමා දින 7කට පසු රස බලන්න ගන්න. ඊට වඩා කාලයක් උනත් තියන තරමට මෙහි රස වැඩි බව කියන්න කැමතියි.

 

3. Frozen Margarita Pie

Source – scatteredthoughtsofacraftymom.com

ක්‍රස්ට් එක සඳහා

• හොඳින් කුඩු කරගත් බිස්කට් කප් 1 (ක්‍රීම් ක්‍රැකර් වැනි පැණි රස රහිත බිස්කට් වර්ගයක්)
• සුදු සීනි කප් 1\4
• මාගරින් කප් 1\3

ෆිලින්ග් එක සඳහා

• මිල්ක්මේඩ් 115g
• බීමට හැකි ලෙස සාදාගත් දෙහි යුෂ කප් 1\3 (අයිස් වන තුරු ෆ්‍රීස් කරගන්න)
• ලෙමන් ජින් මේස හැඳි 2
• දොඩම් යුෂ මේස හැන්දක්
• කොල පාට ෆුඩ් කලරින් බින්දු දෙකක්
• විප් ක්‍රීම් කප් 1
• පෙති කපාගත් කොල පාට දෙහි ගෙඩියක්

 

1. බිස්කට් කුඩු සහ සීනි හොඳින් කලවම් කරගන්න. එයට මාගරින් එක් කර හොඳින් අනාගන්න. අඟල් 9ක පයි ප්ලේට් එකක් ගෙන එයට සාදාගත් බිස්කට් මිශ්‍රණය දමා හොඳින් තද කරන්න. සෙල්සියස් 190ට පෙර රත් කරන ලද උඳුනක විනාඩි 5ක් බේක් කරගෙන නිවෙන්නට තබා ගන්න.
2. මිල්ක්මේඩ්, දෙහි යුෂ, දොඩම් යුෂ, ජින් සහ කලරින් වෙනම බෝල් එකක හොඳින් මිශ්‍ර කරගන්න.
3. වෙනම බඳුනක විප් ක්‍රීම් ඝණ වනතුරු හොඳින් බීට් කරගන්න. එය සාදාගත් මිල්ක්මේඩ් මිශ්‍රණයට හැන්දකින් එක් කරමින් කලවම් කරගන්න.
4. සාදාගත් ෆිලින්ග් එක නිවා ගත් ක්‍රස්ට් එකට පුරවා හොඳින් ආවරණය කර පැය 4ක් ෆ්‍රීස් කරගන්න. පිලිගැන්වීමට විනාඩි 10කට පෙර පිටතින් තබාගන්න.

 

4. Chicken Marinated with Vodka

Source – thekitchenprescription.com

• කටු රහිත චිකන් 500g
• ගාගත් දෙහි ලෙලි තේ හැඳි 1\2
• දෙහි බෑයක යුෂ
• එළවලු තෙල් මේස හැන්දක්
• චොප් කරගත් මින්චි කොල මේස හැන්දක්
• වොඩ්කා හෝ වයිට් රම් කප් 1\4
• සීනි මේස හැඳි 1
• ලුනු තේ හැඳි 1\4

 

1. අවශ්‍ය ද්‍රව්‍ය සියල්ල හොඳින් එකට මිශ්‍ර කර චිකන් මත තවරාගන්න.
2. විටින් විට දෙපැත්ත හරවමින් පැය දෙක තුනක් ශීතකරණයේ තබා ගන්න.
3. තෙල් තවරාගත් තැටියක චිකන් ටික තබා සෙල්සියස් 170ට පෙර රත් කරන ලද උඳුනක පැයක් හෝ චිකන් ටික හොඳින් රන්වන් පැහැවී මැද පිසෙන තුරු බේක් කරගන්න.
4. එහෙමත් නැත්නම් මේ විදියට මැරිනේට් කරපු චිකන් එක ඔයාලට කැමති නම් ග්‍රිල් කරගන්නත් පුළුවන්.

 

5. Beef Stroganoff

Source – epicurious.com

• 500g බීෆ්, පෝක් හෝ චිකන් බ්‍රෙස්ට් 1ක්
• චොප් කරගත් ලූනු ගෙඩියක්
• චොප් කරගත් සුදු ලූනු බික් 2
• දෙහි ගෙඩියක්
• හීනියට ලියාගත් හතු මිටක්
• පාස්ලි කොල මිටක්
• පැප්රිකා හෝ මිරිස් කුඩු තේ හැන්දක්
• ලුණුම්මිරිස් කුඩු
• ඔලිව් තෙල් ටිකක්
• බ්‍රැන්ඩි කප් 1\2
• යෝගට් එකක්

 

1. මස් කොටස රෝලින් පින් එකකින් තරමක් තලා ඇඟිල්ලක් තරම් මහත කොටස් වලට කපාගන්න.
2. පැප්රිකා, ලුණු, ගම්මිරිස් කුඩු සහ ගාගත් දෙහි ලෙලි එකට මිශ්‍ර කර මස් වලට එක් කර හොඳින් කලවම් කරන්න.
3. තෙල් ටිකක් පෑන් එකකට දමා රත් වෙන්න හැර එයට ලූනු සහ සුදු ලූනු එක් කර අඩුම ගින්දරේ තෙම්පරාදු කරගන්න. ගින්දර තරමක් වැඩි කර එයටම හතු සහ බටර් එක් කර මිශ්‍ර කරගන්න. හතු ටික රන් වන් පැහැ වන තුරු බැදගෙන පෑන් එකෙන් ඉවත් කරගන්න.
4. ඒ පෑන් එකටම තව තෙල් ස්වල්පයක් එක් කර තෙල් රත් වූ පසු මස් ටික එයට දමා මස් තරමක් පිසෙන තුරු විනාඩි 2ක් පමන තෙම්පරාදු කරගන්න.
5. එයට හතු මිශ්‍රණය එක් කර එයටම බ්‍රැන්ඩි සහ යෝගට් එක් කර මද ගින්නේ හිඳෙන තුරු පිස ගන්න.

 

ආහාර කියන්නෙ විවිධ ජාතීන්, පලාත් සංස්කෘතීන් ලෝබ නැතුව බෙදා හදාගන්න දෙයක්. මොන මොන දේවල් වලින් පිල් බෙදුනත් අපේ ආහාර සංස්කෘතීන් එකිනෙකා හා මිශ්‍ර වෙලා කාලාන්තරයක් තිස්සෙ  අපේ දිව පිනවනව. අනිවා අපි මීට කලිනුත් එක එක පලාත් වගේම ජාතීන්ගෙන් අපේ ආහාර ලොවට දායාද වෙච්ච කෑම ගැන කතා කලා. අද අපි මේ කතා කරන්න යන්නෙ දකුණු පලාතේ කෑම වර්ග ගැන.

දකුණු පලාත කිව්වම වෙනමම ආහාර සංස්කෘතියක් බිහි කරපු පලාතක්. මී කිරි එක්ක බත්, මාළු ඇඹුල් තියල්, ජාඩි වගේ දකුණටම ආවේණික වෙච්ච ලංකාව පුරා හැමෝම බොහොම ආසාවෙන් රස බලන කෑම වර්ග බොහොමයි. දකුණෙන් රට පුරාම විසිරුණු මේ වගේ කෑම වර්ග 5ක් හදන හැටි අපි අද අරගෙන ආව. හදමුද දකුණේ තාලෙට කෑමක් එහෙනම්.

1. ජාඩි හොද්ද

Source – srigedara.com

ජාඩි කියන්නෙ ඉතින් දකුණෙ මූදූබඩ පලාත් වල ජනප්‍රියම කෑමක්. දැන් දැන්  ටිකෙන් ටික නැත්තටම නැති වෙලා යන කෑමක් කිව්වත් හරි. කුම්බලා මාළු, බල මාළු වගේ ලොකු මාළු වර්ග වගේම හුරුල්ලො වගේ පොඩි මාළු වලින් තමයි වැඩිහරියක් ජාඩි දාන්නෙ. ජාඩි කියන්නෙ මාළු කල් තියාගන්න ක්‍රමයක්. අළුත් මාළු ඔලු සහ බඩවැල් ඉවත් කරල ඇල් වතුර පොඩ්ඩක්වත් ගාවන්නෙ නැතුව තනිකර ලුණු වතුරෙන්ම සෝදල පිරිසිදු කරගෙන ලුණු කැට සහ ගොරකා එක්ක අතුරල මාසයක් විතර හොඳින් වහල තියල තමා ජාඩි හදාගන්නෙ. එහෙම හදාගත්තු ජාඩි වලින් දකුණේ තාලෙට හොද්දක් හදන හැටි තමයි මේ.

අවශ්‍ය ද්‍රව්‍ය

• සිහින්ව ලියාගත් රතු ලූනු
• තලාගත් සුදු ලූනු
• රම්පෙ/කරපිංචා
• කොච්චි කරල් කීපයක් (මේ වෙනුවට අමු මිරිස් ගන්නත් පුළුවන් කොච්චි තමා රස)
• මිරිස් කුඩු
• ගම්මිරිස් කුඩු
• රස අනුව ලුණු ( ජාඩි වල ලුණු රස කොහොමත් තියෙන නිසා ලුණු පදම බලා පාවිච්චි කරන්න)
• දිය කිරි
• මිටි කිරි

1. ජාඩි වලට කොච්චි ටික දෙකට පලා දාගෙන මිටි කිරි හැර අනෙක් සියල්ල එක් කර මිශ්‍ර කර ලිප තබා ගන්න.
2. හොද්ද උතුරා තැම්බීගෙන එන විට මිටි කිරි එක් කර යන්තමින් හැඳි ගාමින් හොඳි ගතිය තියෙද්දීම ලිපෙන් ඉවත් කරගන්න.

2. දෙහි ආනම

Source – facebook.com/Shikifood

බොහෝ දෙනෙක් නොදන්න දකුණේ කෑමක්. ටිකෙන් ටික වියැකිලා යන පාරම්පරික ආහාර වර්ග අතරට මේ දෙහි ආනමත් එකතු වෙනව.

අවශ්‍ය ද්‍රව්‍ය

• ඉදුණු දෙහි ගෙඩි 3ක්4ක්
• කපාගත් ලූනු, සුදු ලූනු, අමු මිරිස්
• රම්පෙ, කරපිංචා
• සේර කැබැල්ලක්
• කුරුඳු
• අබ ඇට
• උළුහාල්
• සූදුරු ඇට
• කපාගත් වියලි මිරිස් කරල් දෙක තුනක්
• අමු තුන පහ, කහ සහ මිරිස් කුඩු
• ලුණු
• මිටි කිරි

1. දෙහි සිහින් තීරු වලට කපා ගන්න. එයට ලුණු සහ වතුර ටිකක් එක් කර දෙහි ලෙල්ල මෙලෙක් වන තුරු තම්බා ගන්න.
2. වෙනත් බඳුනක් ලිප තබා එයට තෙල් දමා අබ එක් කර පුපුරන්න හරින්න. එයට සීනි හැර අනෙක් පහේ සියල්ල එක් කර තෙම්පරාදු කරගන්න.
3. ඒ තෙම්පරාදුවට තම්බාගත් දෙහි එක් කර මිශ්‍ර කරගෙන මිටි කිරි දමා ලුණු සහ සීනි රස අනුව එක් කර  හින්දගන්න.

3. මාළු ඇඹුල් තියල්

Source – facebook.com/Shikifood

ඇඹුල් තියල් කරපු මාළු කෑල්ලක්, ගා ගත්තු පොල් ටිකක් එක්ක කැකුළු හාලෙ බත් කියන්නෙ තනිකරම දකුණෙ කෑමක්. ඒ රස දන්නෝ දනිති. එක එක ක්‍රම වලට මේ ඇඹුල් තියල හදනව. මීට වඩා වෙනස් ක්‍රමත් ඔයාල දන්නවා ඇති. කොහොම හැදුවත් මේ ඇඹුල් තියල් එකට ගොරකා වලින් එන ඇඹුල් රස තමා ඉස්මතු වෙන්න ඕනෙ. බල මාලු හෝ කෙලවල්ලන් වගේ උෂ්ණ මාළු වර්ගයකින් හදන මාළු ඇඹුල් තියල් එක්ක පොල් ටිකක් කන කොට අර මාළු වල සැර මැකෙනව. පැරැණ්නෝ ආහාර සමබර කලේ එහෙමයි.

අවශ්‍ය ද්‍රව්‍ය

• කෙලවල්ලන් හෝ බල මාළු 1kg (තලපත් උනත් ගන්න පුළුවන්)
• ගොරකා කැබලි 8ක්
• ගම්මිරිස් ඇට මේස හැඳි 3
• මිරිස් කුඩු තේ හැන්දක්
• සුදු ලූනු බික් 3ක්
• කරපිංචා ඉත්තක්
• ඉඟුරු කෑල්ලක්
• ලුණු
• තෙල් මේස හැඳි 1ක්

1. ගොරකා ටික මෙලෙක් වන තුරු තම්බා අඹරා ගන්න. ගම්මිරිස් ඇට, ඉඟුරු, සුදු ලූනු, කරපිංචා පේස්ට් එකක් වන තුරු හොඳින් අඹරාගන්න. එයට මිරිස්, තෙල් සහ ලුණු එක් කර අඹරාගත් ගොරකා ටිකද සමඟ මිශ්‍ර කරගන්න.
2. සෝදා පිරිසිදු කරගත් මාළු වලට මේ මිශ්‍රණය හොඳින් අත ගා පැය බාගයක් පමණ වසා තබාගන්න. පසුව එයට කරදමුංගු, කරාබු නැටි කීපයක් එක් කර මාළු වැසෙන ගානට වතුර දමා හිඳෙන තුරු අඩු ගින්දරේ පිසගන්න.

4. රුහුණු අච්චාරු

Source – facebook.com/Shikifood

නමින්ම මේක දකුණේ කෑමක්. අච්චාරුවක් එක්ක පරිප්පු ටිකක් තිබ්බත් ඇති බත් කන්න. මේ වගේ රස අච්චාරුවක් හදල තියාගන්න එක කාර්යබහුල ගෘහණියකට පහසුවක්.

අවශ්‍ය ද්‍රව්‍ය

• පිරිසිදු කරගත් හාල් වියලි හාල් මැස්සන් 100
• රතු ලූනු කෝප්පයක්
• අමු මිරිස් කරල් 10
• අඹරාගත් අබ මේස හැඳි 1
• කෑලි මිරිස්, කහ, ගම්මිරිස් කුඩු ස්වල්පයක්
• රස අනුව ලුණු සහ සීනි
• විනාකිරි කප් 1\4

1. හාල් මැස්සන් ගැඹුරු තෙලේ බැදගන්න. ඒ රත් වු තෙලටම දමා රතු ලූනු ටිකද විනාඩි 2ක් පමණ බැදගන්න.
2. ලිප නිවා තෙල් වල රස්නය තිබියදීම අමු මිරිස් ටික තෙලට දමා යන්තම් බැදගන්න.
3. මැටි හට්ටියක් ගෙන එයට විනාකිරි ටික එකතු කරගෙන එය උතුරන විට එයට පහේ ටික, ලුණු සහ සීනි එක් කර මිශ්‍ර කරගන්න.
4. එයට බැදගත් ලූනු, හාල් මැස්සන් සහ අමු මිරිස් එක් කර විනාකිරි සිඳෙන තුරු අඩු ගින්දරේ ලිප තබා නිවෙන්නට තබන්න. නිවුනු පසු බෝතලයකට දමා කල් තබා ගන්න පුළුවන්.

5. දකුණේ තාලෙට මාළු කරියක්

Source – facebook.com

මේ දකුණේ තාලෙට මාළු කරියක් හදාගන්න හැටි. දකුණු ලක මුහුදුබඩ කලාපයේ කාන්තාවන්ට මාළු හොද්දක් රසට හදාගන්න එක ඒ හැටි දෙයක් නෙවෙයි. එහෙම රසට දකුණේ තාලෙට මාළු කරියක් හදන හැටියි මේ. මෙහි විශේෂත්වය නම් ලූනු එක් නොකර පිස ගැනීමයි.

අවශ්‍ය ද්‍රව්‍ය

• කෑලි කපාගත් කැමති මාළු වර්ගයකින් 500g
• පොල් මේස හැන්දක්
• හාල් මේස හැන්දක්
• තලාගත් ඉඟුරු, සුදු ලූනු
• ගොරකා කැබලි 2, 3ක්
• කපාගත් තක්කලි ගෙඩියක්
• රම්පෙ, කරපිංචා, සේර
• කුරුඳු පොතු
• අමු මිරිස්
• උළුහාල්
• මිරිස් කුඩු
• ගම්මිරිස්
• අමු තුනපහ ටිකක්
• කහ
• ලුණු

1. මාළු වලට මිරිස්,ගම්මිරිස්,ලුණු, කහ, තුනපහ සහ තලාගත් ඉඟුරු සුදු ලූනු යන සියල්ලෙන්ම කොටසක් එක් කර හොඳින් අතගා පසෙකින් තබාගන්න.
2. හාල් පොල් රන් වන් පැහැ වන තුරු බැද අඹරාගන්න. මැටි ඇතිලියක් ලිප තබා එයට තෙල් ටිකක් රත් වෙන්න දමා ගන්න. රත් වූ තෙලට ඉතිරි කරගත් ඉඟුරු සුදු ලූනු, රම්පෙ, කරපිංචා, සේර, උලුහාල්, අඹරාගත් හාල්, පොල්, තක්කලි, ගොරකා සහ කුරුඳු පොතු දමා තෙම්පරාදු කරගන්න.
3. එයට ඉතිරි කරගත් පහේ සියල්ලද එක් කර මිශ්‍ර කරගෙන මාලු ටිකද එක් කරගන්න. වැසෙන ගාණට වතුර දමා පිස ගන්න.