තුති ඉසුරු

Posted By Poddi on 21 Aug 2019 05:33 PM
රන්දා කළලයක් දස මස් ගෙවෙනා තුරුම
වින්දා දුක හුඟක් සිතෙ පෙම් රඳවා ගෙනම
පෙම්මා දරු සුපෙම් එසැණින උතුරා හදම
''අම්මා''පුතු නමින් පළදින කිරුළකි නිතිම

කළලය කුසෙහි රදා සිටි බව ගොඩක් දරුවන්ට මතක නැහැ..

ඒකනම් ඇත්ත ඉන්දික අයියේ

කදුළු කැටිත්තක් නොකියා ගිලිහුණු
සොඳුරු සඳක් වෙයි නොකියා සැඟවුණු
සුවඳ දෙවද්දීත් ගිලිහී මැලවුණු
අරුම ලොවක් වෙයි දුක්කම් තෙරපුණු

හරිම ලස්සනයි.. ගීතයක් වගේ...
තනුවක් යොදලා ගත්තනම් කියල වැඩක් නෑ...

තුති අයියේ

කළු ලෝගුවක් ගත දවටා ගස්සන් යන පෙම් කළ යුවතී
මණි මේඛලා හැඩ නැතිවද සෙනෙහෙන් පිදු නුඹ වෙත යුවතී
සිත ගැටුණොත් කිසිවෙකු ලෙන්ගතු හද ඇසුරට හිතවෙද යුවතී
පණ පලයන් මතු සසරකවත් හමු නොම විය යුතු යුවතී

මල් ඇතිරූ රතු බෝවිටියා ලන්දේ අඩිපාරේ
පෙම් කෙරුවා හද සෙනෙහස උතුරා ගලමින් දෝරේ
කල් ගෙවලා සමුදුන් පසු නිමකර පාසල් වාරේ
දැන් ඔබෙ පෙම මිරින්ගුවක් වූ වග හිත වෙත තේරේ

ගෙත්තම් කර දුර ගගනේ සුන්දර සිහිනේ
සිත්තම් කර පඩු පොවලා පෙම්බර සිහිනේ
ලංකර නෙතු ඇප තියලා උකසට සිහිනේ
සුන්කර හද යනු හැකිදෝ බොඳකර සිහිනේ

වෑහෙන දුක හද මත්තෙන් නෙත නොදැක්කට
පෑරුණු හිත හැකි වේ නම් සුදු හදන්නට
ආගිය මග පෙම් මතකය බැහැ දවන්නට
යා යුතු දුර මම සිතුවෙමි යළි නොයන්නට

ඇබ්බැහි පෙමකට
ලෙන්ගතුව නිති බැඳුනට
හිමි නැත මෙමා හට
උරුමයකි අන් හදකට

පෙර කළ පවකට
සිත ඉකිබිඳ ම හැඩුවට
කණ කොක් ගීයට
විරහ තාල නම් කුමට

සඳ නැගි සවසට
නුඹ එනු මගෙ පැතුමට
නෙතු පියමී සදහට
නුඹ ගෙන සසර මතකෙට

උනුවිලඹු ගී විරිත.

කණ කොක් ගීයට
විරහ තාල නම් කුමට

හරිම දුක හිතෙන පද පෙලක්..
ඇත්තටම හිත රිදෙන දෙයකට රිද්මයක් කුමටද? මෙහි යටි අර්ථය ගොඩක් ගැඹුරුයි...
ලස්සන නිර්මාණයක්...

ස්තුතියි අයියේ 

හරිමල් ලස්සනයි

තුති ඉන්දික අයියේ

නම්මා සුමග වෙත මවකට මුවා වී
පෙම්මා හදෙහි ගැඹුරුම තැන තබාවී
දැක්මට ලොවම දෙව්රේ මත දරාවී
නිම්මා නොවෙන පෙමකට පිය කියාවී

පිය ගුණ කියවෙනවා නම් අඩුයි...
ඒ වගේම පියාගේ ආදරය දරුවන්ට එක වරම දැනෙන්නේ නෑ...

ම්ම්ම් ...

අපුරු නිර්මාණ ටිකක් පොඩ්ඩි නගෝ .............

ලස්සනයි පොඩ්ඩි ..අපූරුයි

ල්ස්සනයි

ගොම්මනේ උලලේනියක් දුකට ඉකිලමින්
දැක්කාද පිස දමපු කඳුළු කැටි ලතවෙමින්
සීත වැහි කෝඩයෙන් හිරිගඩුත් පුබුදමින්
ලං වෙන්න පින මදිද රන් කැටිට උණුහුමින්

රන්දාන නෙක පැතුම් දුටු හීන සෙනෙහසින්
පින්සාර කිරි කැටිට මල් පුදමි පුරපසින්
පින්පුරා මතු සසර අපෙ නමට පුතු ලෙසින්
මං පතමි හමු වෙන්න ඇති තරම් දුර ගොසින්

අපේ ජීවිතය කියන්නේ කවුරු හරි සැලසුම් කරපු දෙයක් වගේ නංගී..
ඒ නිසා සිදුවන දේවල් ඒ විදියටම සිදුවෙනවා..
ජීවිතයට මුහුණ දෙන්න දිරි ගන්න නැගණියේ..