අවශ්‍ය ද්‍රව්‍ය
අළු කෙසෙල් ගෙඩි 5ක් පමණ
ලොකු ලූනු ගෙඩි 2ක්
ලුණු රසට අනුව
ගම්මිරිස් රසට අනුව
අමුමිරිස් කරල් 3යි
උම්බලකඩ කැබැලි මේස හැඳි 3
දෙහි යුෂ රසට අනුව

සාදන ආකාරය
අළු කෙසෙල් ‍පොතු හැර සෝදා වණ්ඩුවේ දමා තම්බා ගන්න. ඉන්පසු කුඩා කොටු ලෙස කපා ගන්න. ලොකු ලූනු ද කොටු ලෙස කපන්න. දැන් බඳුනක් ගෙන එයට විනාකිරි, දෙහි යුෂ, ලුණු, ගම්මිරිස් දමා හොඳින් මිශ්‍ර කරගන්න. කපාගත් ලූනු, අමුමිරිස්, අළු කෙසෙල් දමා ‍පොඩි නොවන සේ කලවම් කරගන්න.

අවශ්‍ය ද්‍රව්‍ය
කැරට් අල දෙකක්
බෝංචි කරල් 5ක් පමණ
ළපටි ගෝවා කැබැල්ලක්
රතුලූනු ගෙඩි කීපයක්
සලාද කොළ කීපයක්
දෙහි යුෂ ස්වල්පයක්
ලුණු රසට අනුව
තක්කාලි පේස්ට් අඬු කෝප්ප 1/2
ගම්මිරිස් කුඩු ස්වල්පයක්

සාදන ආකාරය
කැරට්, බෝංචි, ගෝවා උණු වතුරට දමා දිය බේරා ගන්න. දැන් ඒවා කොටු ලෙස කපා ගන්න. දැන් රතුලූනු ද සුද්ද කර සෝදා දෙකට පලා ගන්න. සලාද කොළ අතින් කුඩාවට කඩා ගන්න. දැන් බඳුනක් ගෙන එයට තක්කාලි පේස්ට්, ලුණු, ගම්මිරිස්, දෙහි යුෂ දමා හොඳින් මිශ්‍ර කරගන්න. දැන් ඉතිරි ද්‍රව්‍ය ද දමා හොඳින් මිශ්‍රකර කෑමට ගන්න.

අවශ්‍ය ද්‍රව්‍ය
බිට්රූට් ග්‍රෑම් 250
විනාකිරි මේස හැඳි 3
සීනි තේ හැඳි 1
ඔලිව් තෙල් මේස හැඳි 3
ලුණු රසට අනුව
ගම්මිරිස් ස්වල්පයක්

සාදන ආකාරය

බිට්රූට් සෝදා බෙරි නොවන සේ තම්බා ගන්න. දැන් ‍පොතු ඉවත්කර ඉතාම සිහින්ව ලියා ගන්න. බඳුනක් ගෙන එයට විනාකිරි, සීනි, ඔලිව් තෙල්, ලුණු, ගම්මිරිස් දමා හොඳින් මිශ්‍රකරන්න. බිට්රූට් ටික දමා ‍පොඩි නොවන සේ කලවම් කරන්න.