ඝෝෂාකාරී සංගීතය නෑ - බස් රථයේ පුංචි පුස්ථකාලයෙන් පොත් අරගෙන නිදහසේ බලමින් යන්න පුළුවන් හොරණ- නුවර බස් එක - Photos

එදිනෙදා ගමනාගමන කටයුතු සඳහා ලංකාවේ මිනිස්සු වැඩියෙන්ම භාවිතා කරන්නේ බස් රථය. ලංකාවේ බස් රථ වල ගමන් කරනවා කියන්නේ ලේසී වැඩක් නෙවෙයි, නිතරම වගේ මගීන් අපහසුතාවයට පත් වෙන දේවල් සිදුවෙනවා..

එවැනි දේවල් ඕනෑ තරම් අපට නිතරම දකින්න පුළුවන් ඝෝෂාකාරී සංගීතය කියන්නේ මගීන් අපහසුතාවයට පත් කරන ප්‍රධාන හේතුවක් ලංකාවේ හැම බස් රථයක වගේම මේ ප්‍රශ්නය තිබෙනවා.

කණට මියුරු සංගීතය දෙන, වැදගත් සිංහල චිත්‍රපට පෙන්වන බස් රථයක් ගැන සමාජ මාධ්‍ය ජාලයෙන් දැනගන්නට ලැබුනා, හොරණ - මහනුවර ( NC - 7285 ) බස් රථයේ ඝෝෂාකාරී ලෙස සින්දු දාන්නේ නෑ , මේ බස් රථයේ යන අයට කියවන්න පුංචි පුස්ථකාලයකුත් තියනවා. තමන් කැමති පොතක් අරගෙන කියවන්න පුළුවන්  මගීන් වෙනුවෙන් මෙවැනි දේවල් සිදු කරන මේ කොන්දොස්තර මහතා සහ රියදුරු මහතා අගය කළ යුතුයි. ඔවුන් රටේ අනෙකුත් බස් රථ සියයල්ලටම ආදර්ශයක් , නවකතා නාට්‍ය , පොත් පිරුණු පුංචි පුස්ථකාල බස් රථයේ ඡායා රූප කිහිපයකි මේ....