මේක නම් මේ ළගදීම වෙච්චි සිද්දියක්....

************ රාත්‍රී 7 ට පමණ තාත්තා මට කෑමත් අරගෙන කඩේට එද්දී එයාගේ ඇහැට කොස්සෙක් ගිහිල්ලා.

"ළමයෝ මගෙ ඇහැට කොස්සෙක් වැදු...ණා .... බලන්න..කෝ ටිකක් ඉන්න බෑ දනවා''

ඉතින් මම ටෝච් එළියෙන් තාත්තගේ ඇහැ බැලුවත් කොස්සෙක් පේන්න හිටියේ නෑ . හැබැයි ඇහැ රතු වෙලා තිබුණා .. වතුරෙනුත් ඇහැ හොද ගත්තත් දැවිල්ලයි. එදා හොදටම වහින හින්දා පුතත් එක්ක ගෙදර නොගිහින් අපි කඩේම නැවතුණා. පහුවදා උදයේ තාත්තගේ ඇහේ වේදනාව දැඩි නින්දත් සමග තරමක් පහව ගොස් තිබුණා .. කොස්සා වැදිල ඇහැ චුට්ටක් තුවාල වෙලයි තිබුණේ

'' තාත්තේ මම පුතාගේ කෑම එක හදනකම් කඩේ දොර අරින්නකෝ...''
මම ගොඩක්ම කැමති තාත්තා හරි මගෙ මහත්තයා හරි කඩේ දොර අරිනවනම්... (බිස්නස් චුට්ටක් හරි වැඩි ඒ දවස්වලට)

තාත්තත් ඉතින් කඩේ දොර අරින්න ගියා... අනේ විකුනන්න තිබුණ ඉදල් ටික දොර කෙලවරේම තියන්නේ. තාත්තගේ අර ඇහේ ම ඉදලේ ඉරටු කුරකුත් ඇනිලා.. දැන් හොදටම අමාරුයි. ඉතිං අම්ම කොහොම හරි කෑ ගහලා තාත්තට බෙහෙත් අරගෙන එන්න කියලා පිටත් කළා. තාත්තා බෙහෙත් ගෙන්න ගියා .

'' මොකද ජයතිලක '' දොස්තර මහත්තයා බෙහෙත් තුන්ඩුවේ වු නම බලමින් විමසුවේය. 

''කොස්සයි,ඉදලයි දෙකම මේ ඇහේ වැදුනා මහත්තයා. දැන් ඉන්න බෑ දනවා . 

''මොකද ගෙදර වලියක්වත් ගියාද ? ඉදලයි කොස්සයි දෙකම වද්දගත්තේ .... 

''නෑ නෑ මහත්තයා කොස්සා ඊයේ බයික් එකේ යද්දී වැදුනේ.''

'' අහ්හ්  ඒක මිසක්.. මන් බෙහෙත් ටිකක් ලියලා දෙන්නම්..''

බෙහෙත් අරගෙන ආපු තාත්තා අත තිබුණු බෙහෙත් ටික මට දීලා 

''පුතේ මේ බෙහෙත් ටික තෝරලා දෙන්නකෝ '' පැවසුවේය 

''බෙහෙත් ගොඩයි ... මොකද තාත්තේ මෙච්චර බෙහෙත්..''

ඉදලයි කොස්සයි දෙකම වැදිලා හින්ද තමයි ඉතින්...'' තාත්තා සිනාසෙමින් කිවේය.

තව ෆාමසියෙනුත් ගන්න එකක් ලියල තිබුණා ...

Posted By samantha on 15 Nov 2018 02:24 PM
කෘමියෙක් වුණ කොස්සා දොස්තර ලඟදී ගෙදර කොස්ස වුණ අපූරුව.

Posted By indika76 on 15 Nov 2018 11:28 AM
පව් තාත්තා...