හාල්පිටි පාන් එයි

තිරිඟු පිටිවලින් සාදන පාන්වල රසයට සියයට සීයක් සමාන පාන් හාල්පිටි යොදා ගෙන නිෂ්පාදනය කළ හැකි යැයි කාර්මික තාක්ෂණ ආයතනය කියයි.

මේ අනුව හාල් පිටිවලින් පාන් නිෂ්පාදනයට අනුබල දුනහොත් මේ රටට ගෙන්වන පාන් පිටි සඳහා වසරකට වැය වන රුපියල් කෝටි 8000ක මුදලින් විශාල මුදලක් මේ රටේ ම ඉතිරි කර ගැනීමට හැකි වන අතර සහල් සඳහා තරගකාරී වෙළෙඳ පොළක් නිර්මාණය වීමට ද එය හේතු වනු ඇත.

තිරිඟු පිටි වෙනුවට හාල් පිටි යොදාගෙන පාන් පමණක් නොව, කේක් හා විස්කෝතු ද නිපදවන බව කාර්මික තාක්ෂණ ආයතනයේ නියෝජ්‍ය අධ්‍යක්ෂිකා ආචාර්ය අයි.පී.එස්. හේවාජුලිගේ මහත්මිය කීවාය.

මීට අමතරව හාල් පිටි සියයට සියයක් යොදා විස්කෝතු හා නූඩ්ල්ස් නිපදවීමේ තාක්ෂණයත් තම ආයතනය සතුව ඇති බවත් ඇය පවසන්නීය.

ඒ සමඟම හාල් පිටිවලින් සිරප් වර්ගයක් මෙන්ම හාල් පිටිවලින් ටිපි ටිප් වැනි ද්‍රව්‍ය මෙන්ම මාළුපාන්, වියන් රෝල් ආදිය හාල්පිටි යොදා සාර්ථක ලෙස සකස් කළ හැකි බවද හේවාජුලිගේ මහත්මිය පවසන්නීය.

.