සිර වී තිබුණා හද පතුලේ
ඔබ වෙත පිදු සෙනෙහේ
අවදි කළා ඔබ නොසිතූ මොහොතක
මා සඟවා සිටි ආදරේ ....

ඔබේ සුවඳ රැඳි සුළං කැරැල්ලක
දැවටෙන්නට ආසයි
ඔබ අතිනත ගෙන ඔබට තුරුළු වී
ඇවිදින්නට ආසයි
ඔබ අන්සතු යයි කිසිම විටක මා
නොසිතන්නට ආසයි
කවදා යළී අපි එක්වන්නේ දැයි
දැන ගන්නට ආසයි ......

ඇරඹුම කෙලෙසද අවසන කොතැනද
නැත කිසිවකු දන්නේ
මා එක් තැනකය ඔබ තව තැනකය
කෙලෙසද හමුවන්නේ
ගත වන මොහොතක් පාසා හද තුළ
ආදරෙ ලියලන්නේ
සෙනෙහස පමණකි හිතවත ඔබගෙන්
මා උදුරා ගන්නේ .....

පද - සනත් ගුණතිලක
සංගීතය - සුරේෂ් මාලියද්ද
ගායනය - නිරෝෂා විරාජිනී

ගිගුරුම් නගන අහසේ සක්මන් කරනා
වැහි ලිහිණියේ අදවත් මට වැහි ඕනා
සැළමුතු කඳුළු නෙතු අග පිනි මෙන් දකිනා
නුඹ දන්නවා මම මේ කටු අග පිපුණා...

සඳ සක්මනේ යහමින් සිසිලස යදිනා
විෂ තුඩු දැවෙනවා රොන්සුණු සුව සොයනා
රෑ තුන් යමේ දියවූ නෙත් විල කලතා
උලලේනියේ නොගයන් ගී හිත රිදෙනා...

ඉර අවරකත් ඉර ගිරවුන් ඇත රුවිනා
සඳ අවරකත් සඳ සාවුන් ඇත රඟනා
ඉරු සඳු නිවී පරවූ තරු කැට බෝමා
පෙම් සඳ කොහේ කොතනද නුඹ නෑ තවමා...

පද - බණ්ඩාර බෙලිකැටිමුල්ල
සංගීතය- අමිත් ලියනගේ
ගායනය -නිලක්ෂි ගුණතිලක
ආරාධිත ගායනය- සමන් ලෙනින්

poddi akka kalekin weda tikak karan yanawa neda

දන්න ගායකයෝ උනත් සින්දු අහල නෑ වගේ

mmmmmmm ekane

දැන් ඉතින් සමුගන්න
සිනා දෙතොලට ගන්න
දුක් කඳුලු සන්තාප
මගෙ නමට පවරන්න....

මල් කැකුළු අග අඬන
පිනි කඳුළු මට දෙන්න
හැමදාම හැර නොයා ලඟ රැඳුනු
මල් සුවඳ ඔබ ගන්න.....

අතීතය මට දෙන්න
එපා අරගෙන යන්න
හැමදාම මල් පිපි ඵල දරන
වසන්තය ඔබ ගන්න......

ගායනය /හර්ෂණ දිසානායක
ගී පද /සුගත් සෝමවීර
සංගීතය /මහේෂ් කුමාර විතානගේ