indika76
Most Senior Member Posts:10434
19 Sep 2019 08:53 PM |
|
සමහර ගීත තියෙනවා ගීතය ඇසූ විට සිත සසල වෙනවා..
එම පදවැල් තුල ලොකු වේදනාවක් ගැබ්ව තියෙනවා...
එවැනි පදවැල් සොයා යාමට කරන වෑයමකි මේ...
|
|
0 |
|
indika76
Most Senior Member Posts:10434
19 Sep 2019 08:57 PM |
|
තිසා වැවේ දිය රේඛා මත සඳ රේඛා ඇඳුණා විනා විදුලි පහන් එලි එදා මෙතන නැහැ දැල්වුණේ විදුලි පහන් කෙදිනද මෙහි නොදැල්වුණේ ඇකී මැකී යන සෙල් ලිපියක් බඳු අතීතයක් මතකයට නැඟේ ඒ වැව් ඉවුරේ දිනෙක රැයේ අපි හිටියා සඳ සෙවනේ ඈත කදෝකෙමි පහන් රුවින් යාන්තමින් මතකය මතුවේ එදා මා ළඟ ඔබ හිටියා අභිමාන සෙනෙවි සළු පළඳා එදින රැයේ මේ නුදුරු ඉසවුවේ විජිත පුරේ අවසන් සටනයි ඔබ දුන් රන් කග සුරත දරා තුරඟු අරා මා ගියදා ඒ ගමනින් පසු පෙම්වත් කුමරෝ මේ අදයි අපි හමු වූයේ පුනර් ජන්මෙක අද වාගේ හමුවන්න ඇති අපි දෙදෙනා ගේය පද - ආචාර්ය අජන්තා රණසිංහ සංගීතය - සෝමපාල රත්නායක ගායනය -ආචාර්ය වික්ටර් රත්නායක සමඟ නිරංජලා සරෝජිනී අසිපත ගෙන යුධයට ගිය තමාගේ පෙම්වතා නැවත නොපැමිණි බව එනම් මියගිය බව මෙහි අලංකාරව සඳහන් කරලා තියෙනවා... යුධයට ගිය ඔහු නැවත නොපැමිණීම ගැන ඇයට කොතරම් නම් වේදනාවක් දැනෙන්න ඇද්ද...
|
|
0 |
|
chamaramind
Most Senior Member Posts:13470
20 Sep 2019 05:32 AM |
|
ලස්සන සින්දුවක්.....
ආදරෙයි ආදරෙයි අහස වගේ - ආදරෙයි ආදරෙයි අම්මට වගේ.......
|
|
0 |
|
samantha
Most Senior Member Posts:13190
20 Sep 2019 06:41 AM |
|
සනත් නන්දසිරි ගායනා කරන එදා මෙදා තුර කඳුලට විවරව.. මවකගෙ උණුසුම නොලබා සැපට නිදන පුතේ..
සියළුදෙනාටම සෙතක් ශාන්තියක් සැලසේවා!!!!
|
|
0 |
|
Ind007ka
Most Senior Member Posts:12924
20 Sep 2019 06:51 AM |
|
Posted By indika76 on 19 Sep 2019 08:57 PM
තිසා වැවේ දිය රේඛා මත සඳ රේඛා ඇඳුණා විනා
විදුලි පහන් එලි එදා මෙතන නැහැ දැල්වුණේ
විදුලි පහන් කෙදිනද මෙහි නොදැල්වුණේ
ඇකී මැකී යන සෙල් ලිපියක් බඳු අතීතයක් මතකයට නැඟේ
ඒ වැව් ඉවුරේ දිනෙක රැයේ අපි හිටියා සඳ සෙවනේ
ඈත කදෝකෙමි පහන් රුවින් යාන්තමින් මතකය මතුවේ
එදා මා ළඟ ඔබ හිටියා අභිමාන සෙනෙවි සළු පළඳා
එදින රැයේ මේ නුදුරු ඉසවුවේ විජිත පුරේ අවසන් සටනයි
ඔබ දුන් රන් කග සුරත දරා තුරඟු අරා මා ගියදා
ඒ ගමනින් පසු පෙම්වත් කුමරෝ මේ අදයි අපි හමු වූයේ
පුනර් ජන්මෙක අද වාගේ හමුවන්න ඇති අපි දෙදෙනා
ගේය පද - ආචාර්ය අජන්තා රණසිංහ
සංගීතය - සෝමපාල රත්නායක
ගායනය -ආචාර්ය වික්ටර් රත්නායක සමඟ නිරංජලා සරෝජිනී
අසිපත ගෙන යුධයට ගිය තමාගේ පෙම්වතා නැවත නොපැමිණි බව එනම් මියගිය බව මෙහි අලංකාරව සඳහන් කරලා තියෙනවා...
යුධයට ගිය ඔහු නැවත නොපැමිණීම ගැන ඇයට කොතරම් නම් වේදනාවක් දැනෙන්න ඇද්ද...
එලම තමා
First they Ignore You , Then they Laugh at You,
Then they Fight with you,
Then You Win....
|
|
0 |
|
indika76
Most Senior Member Posts:10434
20 Sep 2019 08:22 AM |
|
ප්රේමය පැරදුණු පෙම්වතුන් බොහෝමයක්ගේ ඇස් කදුළුවලින් පුරවපු ගීතයක් තමයි එදා මෙදා තුර ගීතය... ඇත්තටම මේ ගීතය ශ්රී ලංකා ගීත ඉතිහාසයේ සංවේදීම ගීතය කියලා කීවොත් නිවරදියි. එදා මෙදා තුර කඳුලට විවරව දෑස් පියන් පත් කවුළු වසා ලයේ ගලාගිය සෙනේහයේ සුව සිනා පිරුනු රත් දෙතොල් පියා මිලාන වී ගිය රෝස කොපුල්පෙති කම්මුල් සුදුමැලි පාට හොවා දෑත ලයේ බැඳ අවසන් ගමනට සොඳුරිය මට නොකියාම ගියා දෑස් කවුළු පත් පලා කදුලු කැට වෑහෙද්දී මගෙ දෑස් අගින් කාත් කවුරුවත් වෙතත් සිතයි මට පාත් වෙන්න ඔය මුවට උඩින් ඈත්ව යන්නට - සමුගෙන කදුලක්ඔ බෙ මුව දොවතත් සුවඳ පැනින් මාත් මගේ හිතටත් ඔබ සුවඳයි ඈත් නොවේමයි ඒ සුවදින් ඊයේ ඉපදී අද මිය යන්නට පෙරුම් පුරාගෙන උපන් ලයේ හීයේ වේගෙන් අහස උසට බැඳි ආදර ලෝකය හෙටත් තියේ ඒත් ඉතින් ඒ - සොදුරියෙ ඔබ නැත ඇයිමේ ලොව මා තනිව ගියේ ආයේ දවසක එක හිත් ඇත්නම්මේ අපි ඉපදෙමු එකට ප්රියේ... සනත් නන්දසිරි ගායනා කරන මෙම ගීතයේ සංගීතයත් එතුමාගේමයි. පදවැල විමල් ජයශාන්තයන්ගේ...
|
|
0 |
|
Imalka
Veteran Member Posts:4522
20 Sep 2019 04:38 PM |
|
Posted By indika76 on 20 Sep 2019 08:22 AM
ප්රේමය පැරදුණු පෙම්වතුන් බොහෝමයක්ගේ ඇස් කදුළුවලින් පුරවපු ගීතයක් තමයි එදා මෙදා තුර ගීතය...
ඇත්තටම මේ ගීතය ශ්රී ලංකා ගීත ඉතිහාසයේ සංවේදීම ගීතය කියලා කීවොත් නිවරදියි.
එදා මෙදා තුර කඳුලට විවරව දෑස් පියන් පත් කවුළු වසා
ලයේ ගලාගිය සෙනේහයේ සුව සිනා පිරුනු රත් දෙතොල් පියා
මිලාන වී ගිය රෝස කොපුල්පෙති කම්මුල් සුදුමැලි පාට හොවා
දෑත ලයේ බැඳ අවසන් ගමනට සොඳුරිය මට නොකියාම ගියා
දෑස් කවුළු පත් පලා කදුලු කැට වෑහෙද්දී මගෙ දෑස් අගින්
කාත් කවුරුවත් වෙතත් සිතයි මට පාත් වෙන්න ඔය මුවට උඩින්
ඈත්ව යන්නට - සමුගෙන කදුලක්ඔ බෙ මුව දොවතත් සුවඳ පැනින්
මාත් මගේ හිතටත් ඔබ සුවඳයි ඈත් නොවේමයි ඒ සුවදින්
ඊයේ ඉපදී අද මිය යන්නට පෙරුම් පුරාගෙන උපන් ලයේ
හීයේ වේගෙන් අහස උසට බැඳි ආදර ලෝකය හෙටත් තියේ
ඒත් ඉතින් ඒ - සොදුරියෙ ඔබ නැත ඇයිමේ ලොව මා තනිව ගියේ
ආයේ දවසක එක හිත් ඇත්නම්මේ අපි ඉපදෙමු එකට ප්රියේ...
සනත් නන්දසිරි ගායනා කරන මෙම ගීතයේ සංගීතයත් එතුමාගේමයි.
පදවැල විමල් ජයශාන්තයන්ගේ...
සත්ය සිදුවීමක් පාදක කරගෙන නිර්මාණය කල ගීතයක් කියලා අහලා තියෙනවා.
දෙගුරුන්ගේ තදබල විරුද්ධත්වය නිසා දිවි තොර කරගත් යුවතියකගේ අනුවේදනීය වෙන්ව යාම හා බැඳුනු ගීතයක්
|
|
0 |
|
Ind007ka
Most Senior Member Posts:12924
21 Sep 2019 08:13 AM |
|
ඔන්න මමත් දැම්මා මගෙ හිතට ලගදි වැදුන අලුත් සින්දුවක් මේකෙ තෙරුම හොදට අහල කියවලා බලන්න .නෙට් එකෙ තැන් තැන් වල තියෙන විචාර කියවල බලන්න ....
පොඩ්ඩියේ අම්මා අම්මාමයි තාම..
වැරදුනේ අපි නිසයි ඈ වැරදිද කෝම..
බක්මහේ කොවුල් බිජු පුපුරණ දාක..
නංගියෙ අම්මගෙන් උඹ ඉල්ලනවද ගේම..
තනේ කඩා විසිකර පත්තිනි වේ නම්..
අනේ හාමතේ අපි මැරිලා එහෙනම්..
වනේ පාරන්නෙ වන ඵල විස වී නම්..
නගේ දැන් යමං පඬි පුර ගිනි තියපන්..
සතා කියා ඉඳහිටක දි ඇහුනාට..
කතා හදන උන් සේරම බෝසත් ද..
යකා වැහෙන්නට පෙර උඹෙ අයියාට..
කතන්දර එපා - වැඳපන් අම්මාට..
දන් කඳ නැතිදාට රන්කඳ වී පෙනිලා..
ලොකු හැමුදුරුවො අණකර බණ පද එව්වා..
මුචලින්දගෙ ඇහේ නයි කඳුලක් නැටුවා..
අපෙ අම්මා බණ කතාවක් බුදුගෙයි ලිව්වා..
රත්වුන යකඩ ලෝකුරු ගෑණුත් තැලුවා..
මත්වුණු බමරු ඉටිමල් පොකුරෙත් වැහුවා..
ඇත්තට ලෝකෙ ගැන උඹ දන්නෙ ද මොනවා..
පත්තිනි සළුවලත් ඇත් තුත්තිරි තිබුණා..
සතා කියා ඉඳහිටක දි ඇහුනාට..
කතා හදන උන් සේරම බෝසත් ද..
යකා වැහෙන්නට පෙර උඹෙ අයියාට..
කතන්දර එපා - වැඳපන් අම්මාට..
ගායනය : සාදර බණ්ඩාර
පද රචනය : ටිම්රාන් කීර්ති
සංගීතය : සාදර බණ්ඩාර
පොඩ්ඩියේ - ගීතයේ අරුත - https://youtu.be/Vp-l38bAedk
Song - https://www.youtube.com/watch?v=doHzexvrJFc
First they Ignore You , Then they Laugh at You,
Then they Fight with you,
Then You Win....
|
|
0 |
|
indika76
Most Senior Member Posts:10434
22 Sep 2019 10:03 AM |
|
වත්මන් සමාජයේ පවතින අනුවේදනීය කතාවන් රැසක්... ඒත් මේකේ ශෛලියට නම් මම ආස නැහැ.. මේක මෙයට වඩා හදවතට දැනෙන්න කරන්න තිබුණා.. ඒ වගේම යොදාගත් සමහර වචන ගීතයකට ගැලපෙන්නේ නැහැ.. ගීතයකින් සමාජයකට ලොකු පණිවිඩයක් දෙන්න පුළුවන්... (මේක මගේ මතය පමණයි. බහුතර මතය වෙනත් දෙයක් වෙන්න පුළුවනි)
|
|
0 |
|
indika76
Most Senior Member Posts:10434
25 Sep 2019 09:33 AM |
|
වියෝවූ පසුවයි දැනෙන්නේ ප්රේමයේ අභිමන් හැඞූදා කඳුලයි දකින්නේ සිනාවේ සරදම් ඉවුරු දෑලේ හිඳ බැලූ විට ගඟ හැඩයි කදිමයි දියට වන් විට එවන් ගඟුලම බිහිසුණුයි චන්ඩයි හඳක් නැතිදා අහස් තලයට තරුව දෙයි සැනසුම් පුන් පොහෝදා එවන් තරුවම ලබන්නේ ගැරහුම් ගී පද : බන්ධුල නානායක්කාරවසම් ගී තනු : රෝහණ වීරසිංහ ගායනය : සුනිල් එදිරිසිංහ
|
|
1 |
|
Ruwan_Sampath01
Advanced Member Posts:687
25 Sep 2019 10:05 AM |
|
math asama sinduwak
|
|
0 |
|
Ruwan_Sampath01
Advanced Member Posts:687
26 Sep 2019 08:52 AM |
|
උපුටා ගැනීම අන්තරජාලයෙන් හන්තාන සිහිනේ.....💚� � 💚 සරසවි ඇදුරුවරයෙකු හා සරසවි ශිෂ්යයාවක අතර හටගන්නා ප්රේමයක් රූපණය කෙරෙන ගී නිර්මාණයකි. මේ ගීතය හා බැඳුණු සුවිශේෂී බවක් ඇත. ඒ මෙම ගීතය ගායනා කරනු ලබන්නේ නවක පරපුරේ ගායිකාවක වන උමාරියා සමඟින් මහා ගායක පණ්ඩිත් අමරදේව මහතා වීමයි. හන්තාන යනු ප්රේමයට පාරදීසයක් බඳු ස්ථානයකි. එහි ඇති ලතා මඩුලු ප්රේමයට අත වනයි. සරසවිය පුරා හමන්නා වූ පුෂ්පයන්ගේ සුගන්ධය ප්රේමනීය හැඟුම් අවදි කරවයි. එසේම හන්තාන ගීත රචකයන්ට තම නිර්මාණ උදෙසා වස්තු බීජ සපයන කදිම ස්ථානයකි. මෙම ගීතය අපූර්ව ගුරු සිසු පෙමක් ගැන කියන්නකි.. මෙය තරුණ පෙම්වතිය හා වැඩිහිටි පෙම්වතා අතර සිදුවන කතාබහක් මෙන් දිග හැරේ. නෙලාගන්නට බැරි හන්තාන පිළිබඳ පෙම් සිහිනය දෙස බලමින් වැළපෙන බව පෙම්වතිය කියයි. එම පෙම් සිහිනය ගොතා දෙන මෙන් පෙම්වතා පෙම්වතියට ආයාචනා කරයි. එළිමහන් රඟමඩල මැද ඔහුගේ දෑතෙහි තුරුළු වී ඉන්නට ඈ පතයි. තමාගේ හදවත ශෝකයෙන් පවතින බව ඔහු කියයි. ඒ තම බිරිඳගේ වියෝව හේතුවෙනි. අමාවක අඳුර ඔහු තුළ හටගෙන ඇති ශෝකයේ ප්රභලත්වය සංකේතවත් කරයි. එහෙයින් තම හදවතට නොඑව ලෙස ඔහු ඇයට කියයි. කෙසේ වෙතත් මෙම ප්රේම සංවාදය අවසානයේ හන්තාන අරණේ සිටින්නට යැයි පෙම්වතා පෙම්වතියගෙන් ඉල්ලා සිටී. මෙම ගීතය රචනා කොට ඇත්තේ නව පරපුරේ ගීත රචකයකු වන ජානක සිරිවර්ධනයන් ය. නාද රටා අරුණ ගුණවර්ධනයන්ගෙන් ය. කලකට පසුව සිංහල ගීත සාහිත්යයට එක් වූ අපූර්වතම ගීතයක් ලෙසින් පෙන්වා දිය හැකිය....... 💚 💚 💚 💚 💚 💚 බලා වැළපෙමි නෙලා ගනු බැරි හන්තාන සිහිනේ........ දරා නෙත් මග දොවා සිත් මල් ගොතනු මැන ලදුනේ... සංසාර සිහිනේ............. වැහි පබළු යට රගමඩල මැද.. ඔබේ ..දෑතේ තුරුළු වෙන්නට..... බිසෝ හැර ගිය ලසෝ රඟහල අමාවක අඳුරේ ........ නොඑනු මැන ලදුනේ ........ වඩින තුරු සඳ දුරින් ඉන්නම් තරු ඇදුරු පෙම් ගී අහන්නම් සොදුරු ඒ සද දියේ එන්නම් ඉදිනු මැන සොදුරේ........... හන්තාන අරණේ.........
|
|
1 |
|
Ruwan_Sampath01
Advanced Member Posts:687
26 Sep 2019 09:34 AM |
|
කිරි ඉද්ද ගහට සුද අරගෙන සඳ එන දවසට සිහිනයක් වෙලා ඔබ හිඳින්න මගෙ ඇසිපිය යට ඒ ඇති මැණිකේ මට ඒ ඇති මැණිකේ මට සිහිනයක් ලෙසින් ගිලිහී යන අපෙ හෙට දවසට අප නැතැයි කියා වැරුවද ගස් වැල් මල් සම්පත ගඟ නතර වුණාදැයි කියන්න මුවදොර නොම දැක පසු තැවෙන අපේ සිත් තනි කර ලොව දුර ගමනක මේ නුවර එදා වගෙමයි අප පෙමින් ඇවිද ගිය මුහුණුවර දන්න ගස් වැල් අප නැතත් පඳුරු ලන ජීවිතය කියා දී එකදෙක පරමල් හිනැහෙන පද රචනය - රවී සිරිවර්ධන සංගීතය - ආචාර්ය රෝහණ වීරසිංහ ගායනය - ක්රිෂාන්ත එරන්දක
|
|
0 |
|
Ruwan_Sampath01
Advanced Member Posts:687
26 Sep 2019 09:41 AM |
|
මේ අවන්හලේ සැඳෑ වෙලාවේ රැඳෙන්නෙමි ගී ගයා වයාලා සිනා සලාලා රඟන්නෙමි මා ඔබ වගේම ලෝකේ කඳුළු දුක් සිතේ ලා දිවි ගෙවන්නෙමි ඒ සුසුම් මගේ ඔබේ සිනාවේ නොලන්නෙමි කවන්න පොවන්න රකින්න කිසිවෙකු නෑ හඬන්න අහන්න සොයන්න කිසිවෙකු නෑ බලන්න ලබන්න දිනන්න කිසිවෙකු නෑ විඩා නොවී සිනා සෙමී මේ අවන්හලේ මා ලවන් දැලේ බිඟුන් මුලා වී රැඳෙන්නෙපා මා රැඟුම් ලතාවේ නුවන් මුලා වී බැඳෙන්නෙපා මා රැඟුම් ලතාවේ නුවන් මුලා වී බැඳෙන්නෙපා ගායනය - නීලා වික්රමසිංහ සංගීතය - නිමල් මෙන්ඩිස් ගී පද - කරුණාරත්න අබේසේකර
|
|
0 |
|
Ruwan_Sampath01
Advanced Member Posts:687
26 Sep 2019 09:43 AM |
|
ගං ඉවුරේ තුරුලතා මඩුල්ලේ සයුරු මායිමේ පුලින තලාවේ සෙනෙහස් හැගුමින් චමත්කාර වී අප ගැන අප හිතු හැටි මිහිරී ආදර ගී විය ජයමංගල ගී කුරුලු කැදැල්ලකි පුංචි පැලේ ප්රේමවන්තයෝ.........ප්රේමවන්තයෝ දෙගුරුන් වී යලි ඉපදුනු හැටි හරිම අගෙයි. සිගිති සණ්ඩු මැද හිනාවෙවී කිරුලු පලන් ජීවිත ගමනේ දෝරගලා......දෝරගලා කරදර ආවත් ඉදිමු එදා මෙන් වෙනස් නොවී ගායනය :-එඩ්වඩ් ජයකොඩි සංගීතය :-රෝහණ වීරසිංහ පද රචනය :-කුසුම් පීරිස්
|
|
0 |
|
Ruwan_Sampath01
Advanced Member Posts:687
26 Sep 2019 09:44 AM |
|
මේ දෙව් මැදුරෙම පුදසුන අභියස හිඳ ඔබ මගෙ යැයි ඔබ මට කීවේ එනමුදු අද ඔබ මේ දෙව් මැදුරෙම ඔහු අතගෙන අන්සතු වූයේ.. ඒ ඉරු දිනයේ මගේ සුරත ගෙන සිහින මැව් පෙම් කුමාරියේ...// සිහින ලොවේ ඒ මා තනිකර ඔබ ඔහු අත ගත්තේ කෙළෙස ප්රියේ ඔහු අත ගත්තේ කෙළෙස ප්රියේ අමතක කල ඒ අපේ අතීතය මින් පසු මතකෙට නගනු එපා...// පතිකුලයට යන අහිමි කුමාරියේ ඔබ හට සෝ දුක වෙන්න එපා ඔබ හට සෝ දුක් වෙන්න එපා... ගායනය/ ෂෙල්ටන් මුතුනමගේ පදරචනය / ජෝර්ජ් රොබ්සන් ද සිල්වා සංගීතය / සරත් ද අල්විස්
|
|
0 |
|
Ruwan_Sampath01
Advanced Member Posts:687
26 Sep 2019 09:46 AM |
|
සෙනෙහසකට අරුතක් පුරවන්නට අහසේ තරු ගැන්නා වෙරළේ රළ මැන්නා සීමාවක් මායිමක් නැතැයි කී සෙනෙහස ඇයි දෙතැනක තනිවී කැකුළක් සිදුණෙන් හදවත පීදුණු කඳුලෙන් කටු මත විෂ තිබුණා බිඳුණෙන් බඳුනක පිළියම් කරනට බැරි කැළලක් මතු වී තිබුණා සෙනෙහසකට අරුතක් ......... පවකින් පෙර අත් භවයක සිදු වූ සිතකින් සිතකට දුක පිරුණා මගෙ අත දිගු කළ හැකි සැම තැනදී ඔබ අත මා දුරකින් තිබුණා ගායනය - අසංක ප්රියමන්ත පීරිස් ගී පද - ප්රණීත් අභයසුන්දර
|
|
0 |
|
Ruwan_Sampath01
Advanced Member Posts:687
26 Sep 2019 09:48 AM |
|
කාන්තාවකට මොනවද කරන්න පුලුවන් තමන්ගේ ස්වාමියා වෙනුවෙන් ? පාළුව කාන්සිය දැනෙන පිරිමි හදවතකට සෙනෙහස ගෙනත් දෙන්නත්🤗, ඒ හදවතටම විරහ වේදනාව ලබා දෙන්නත්😢,විරහා වේදනාවෙන් දුක් විදින හදවතකට යලිත් ආදරයක් ගෙන එන්නටත් ගැහැණු හදවතකට පුළුවන්😏..( ඇත්තනේ....) හිතේ තියන පාළුව කාන්සිය වේදනාව ඔය කියන හැම දේම එක බැල්මකින් එක හිනාවකින් නැතිවෙලා යන්න තප්පරයක් වත් යන්නේ නෑ...( ඔව් ඔව් 64 මායම් කියලා තියෙන්නේ😂 ආන්න ඒවා දාලා තාමා 😉) ඔබ ආදරයක කුමන ස්ථානයක් හිටියත් ඔබේ අතීතය, වර්ථමානය, අනාගතය ට නෑකම් කියන්නා වූ ඇය ගැන ලියවුණු ගීයක් උපුල් නුවන් විදහා ඔබ සිනාසුණා මම සිනාසුණා පුළුන් පොදක් කල මා ළඳකි වාසනා නම මොනාලිසා හද පාරන මාරුතයේ ඔබ ආ හැටි ආදරියේ හැම දාකම මා පැතුවේ සුවඳයි මලයි ඔබමයී ගිමන් නිවා යන ගමනේ වාරු නගාලා තුරුල් වුනා ඇය හිරිපොද හැගුම් සලාලා පැතුම් විමානේ දැල් කවුලුවෙන් බලාලා දුටු උවනයී නිසල කලේ මා හද ජාලා චිත්රපටය - අහසින් පොළොවට ගායනය - මිල්ටන් මල්ලවආරච්චි ගේය පද - ඔගස්තස් විනයාගරත්නම් සංගීතය - නිමල් මෙන්ඩිස්
|
|
0 |
|
Ruwan_Sampath01
Advanced Member Posts:687
26 Sep 2019 09:49 AM |
|
mama asama geetha kipayak thamai oya oyage post eake damme indika aiyye me topic eakata set wena nisa kamak nane
|
|
0 |
|
Ind007ka
Most Senior Member Posts:12924
27 Sep 2019 07:25 AM |
|
කමක් නැහැ මල්ලි ඔනම දෙයක් දාන්න .හැබැයි comments බලාපොරොත්තුවෙන්න එපා .මොකො ඔයා කාන්තාවක් වුනා නම් තමා ගොඩක් අය්යලා ඒ ගැන කතා කරන්නේ .
First they Ignore You , Then they Laugh at You,
Then they Fight with you,
Then You Win....
|
|
0 |
|
samantha
Most Senior Member Posts:13190
27 Sep 2019 07:31 AM |
|
Posted By Ind007ka on 27 Sep 2019 07:25 AM
කමක් නැහැ මල්ලි ඔනම දෙයක් දාන්න .හැබැයි comments බලාපොරොත්තුවෙන්න එපා .මොකො ඔයා කාන්තාවක් වුනා නම් තමා ගොඩක් අය්යලා ඒ ගැන කතා කරන්නේ .
සතේ කාසි දැන් නැති නිසා කටට දාන්න විදිහක් නැහැ. කතාව සම්පූර්ණ ඇත්ත.
සියළුදෙනාටම සෙතක් ශාන්තියක් සැලසේවා!!!!
|
|
0 |
|
Imalka
Veteran Member Posts:4522
28 Sep 2019 05:24 PM |
|
සින්දු කීපයක් ගැනම කතා වෙලා තියෙනවා...මේ වැනි සිත් සසල කල ....සසල කරනා ගීත ගණනාවක් මට නම් මතකයේ තියෙනවා.
අලුත් පරණ හැම පරපුරේම මේ ගීත නිර්මාණය කරලා තියෙනවා (අලුත් පරපුර කිව්වේ අර හොටු පෙරාගෙන ගෑනු පස්සේ වැලපෙන සෙට් එකට නෙමෙයි - 90 දශකයෙන් පස්සේ ආව අයට)
|
|
0 |
|
samantha
Most Senior Member Posts:13190
29 Sep 2019 06:53 AM |
|
ප්රේමකීර්ති ලියපු ගීත ගොඩක් ඔහුගේ ජීවිත අත්දැකීම් උපයෝගී කරගෙන නිර්මාණය වෙලා තියෙන්නේ.. ප්රියානන්ද විජේසුන්දර මහතාගේ පද වැලකට අනුව සනත් නන්දසිරි මහතා ගායනා කළ බෝ මළුවේ මල් සුවඳක පැටලී කියන ගීතයත් හිතට දැනෙනවා.
සියළුදෙනාටම සෙතක් ශාන්තියක් සැලසේවා!!!!
|
|
0 |
|
Ruwan_Sampath01
Advanced Member Posts:687
29 Sep 2019 07:09 AM |
|
එදා මෙදා තුර ගීතය තමා මම ආසම සනත් මහාතාගේ
|
|
0 |
|
indika76
Most Senior Member Posts:10434
30 Sep 2019 08:02 AM |
|
නිසල වෙලා හද නොසැලේ හසරැල් ආදර රතඳර යුගෙන් ඔබේ.. සසලව යයි සිත මැලවුණු ඔබෙ වත දෝවමි කඳුළැල්ලකින් මගේ.. ඔබ නැති දා මේ ලෝකේ තනිවේ මා දැවෙන සිතින්.. නෑසිය මිතුරන් මේ සැම හමුවේ සමුගෙන යන අවසන් ගමනේ නිහඬ මුවින් මාගේ පෙම්වතියේ උහුලන්නද මේ දුක කෙලෙසිනේ මා සමඟින් එක්වී මේ භවයේ.. එක මඟ ආ ඔබ වෙන්වන්නේ නිහඬ මුවින් මාගේ පෙම්වතියේ උහුලන්නද මේ දුක කෙලෙසිනේ හේමසිරි හල්පිටයන් රචිත නාමල් උඩුගම ගායනා කල මේ ගීතය 90 දශකයේදී අපේ සිත් ශෝකයෙන් පිරවූවා...
|
|
1 |
|
Ind007ka
Most Senior Member Posts:12924
30 Sep 2019 08:36 AM |
|
බොරු රවයකුත් යැව්වා නාමල්ගෙ කෙල්ල මරිලා කියලා
First they Ignore You , Then they Laugh at You,
Then they Fight with you,
Then You Win....
|
|
0 |
|
indika76
Most Senior Member Posts:10434
30 Sep 2019 10:20 AM |
|
ඒක ඇත්තක් නෙමෙයිද බං.. මම තාමත් විශ්වාස කරනවානේ..
|
|
0 |
|
kingD
Veteran Member Posts:3296
30 Sep 2019 11:49 AM |
|
ඇත්තටම සිත සසල කරන පදවැල් තමයි මේ සින්දු ලිස්ට් එකේ තියෙන්නෙ සින්දු ටික වෙනම අරන් අහනවා මන් ..
Business, you know, may bring money,
But friendship hardly ever does.
|
|
0 |
|
Ind007ka
Most Senior Member Posts:12924
30 Sep 2019 02:03 PM |
|
Posted By kingD on 30 Sep 2019 11:49 AM
ඇත්තටම සිත සසල කරන පදවැල් තමයි මේ සින්දු ලිස්ට් එකේ තියෙන්නෙ
සින්දු ටික වෙනම අරන් අහනවා මන් ..
අනේ මාව හිනස්සන්නේ නතුව හිටපන්කො
First they Ignore You , Then they Laugh at You,
Then they Fight with you,
Then You Win....
|
|
0 |
|
indika76
Most Senior Member Posts:10434
01 Oct 2019 08:56 AM |
|
මේ ගීතයෙන් කියවෙන්නේ අනෙකාට ඇති ආදරේ බව...
පෙම් යුවලක් තනිවෙලා මහ කාන්තාරෙක
බොන්නට දිය පොදක් සෙවුවා මිරිගු පසුපස
වාරු නැති නිසා යන්නට තවත් ඈතක
නැවතුනා සිදී වියලී ගිය දිය කඩිත්තක
හාරා පාදා ගත්තා දිය පොඩිත්තක්
කෙනෙකුටවත් බොන්නට මදි ඇබිත්තක්
පණ රැදුනක් මේ දිය බිද මත්තේ
කලින් බොන්න නම් නෑ කිසි කැමත්තේ
ආදරයක මහිම කියන සත්තේ
කලින් බොන්න අනිකට කල පෙරැත්තේ
ඔහුත් ඇයට බොන්නයි අයදිනවා
ඇයත් ඔහුට බොන්නම පවසනවා
ලඳ මුලටයි කියමන ගරු කරලා
ඇය බීලත් දිය නෑ තව හිදිලා
දෙදෙනා විටින් විට නැවි නැවි බිවුවාට
අඩුවක් වුනේ නෑ පෑදුනු දිය බිඳට
ආදරෙ අරුත වටහා දී දිය බිඳට
දෙන්නා වැළදගෙන වැටුනා නින්දකට
හොයන අයට හමුවන විට ඒ දෙන්නා
අර වතුර අසල දෙන්නා සැතපී උන්නා
ආදරයක මහිමය ලොවටම පෙන්න
වතුර නොබී දෙන්නම මියැදී උන්නා
- සන්ෆ්ලවර් ගායක නෙල්සන් වාස් -
|
|
0 |
|
Ind007ka
Most Senior Member Posts:12924
01 Oct 2019 10:24 AM |
|
රචනවක් වගෙ මෙක නෙල්සන් වාස් ට හැර වෙන කෙනෙකුට නම් කියන්න බැහැ
First they Ignore You , Then they Laugh at You,
Then they Fight with you,
Then You Win....
|
|
0 |
|
Imalka
Veteran Member Posts:4522
01 Oct 2019 10:27 AM |
|
Posted By Ind007ka on 30 Sep 2019 08:36 AM
බොරු රවයකුත් යැව්වා නාමල්ගෙ කෙල්ල මරිලා කියලා
නාමල් නිසා මැරෙන්න ගිය ගිය කෙල්ලෝ ගැන කියනවා නම්......... ඒ කාලේ පඳුරකට පයින් ගැහුවම 7-8 දෙනෙක්ම වීසි උනා ලු. ඉස්සර ඉස්කෝලේ යන කාලේ අපේ පන්තියේ හිටිය කෙල්ලෙක් නාමල් පිස්සුව හැදිලා අසාධ්ය වෙලා හිටියා....මෑතකදී කල සොයාබැලීමකදී දැනගන්න ලැබුනා එකී තවම විවාහවෙලා නැතිලු. පොඩ්ඩක් අප්සෙට් සීන් එකක් වගේ ලු.
|
|
0 |
|
Imalka
Veteran Member Posts:4522
01 Oct 2019 10:38 AM |
|
මේ ගැන තවදුරටත් කතා කරනවා නම් මම අහපු ගීත වලින් ඉතාමත් දුකට පත්වුණු ගීතයක් පහතින් දක්වන්නම්.
කොච්චර දුකද කියනවානම් මේ ගීතය අහගෙන ඉන්න බැරිතරම් අපහසුතාවයක් ඇති වෙනවා නේද.
ඔබ කවදාහෝ ඔබේ හෝ කාගේ හෝ දරුවෙකු සුරතල් කළා නම් දුක වැඩියෙන් දැනේවි
මේ ගීතය දැනට වසර 15 ක් විතර පරණ උනත් පහුගිය අප්රේල් 21 සිදුවීම අලලා යම් කිසි මතක ආවර්ජනයක් කරන්න හිතුනත් පෑරුණු හිත ඇති පියවරුන් මවුවරුන් තවත් හඬවන පාපකර්මයට දායක නොවී සිටීමට සිතුවෙමි
මෙන්න ඒ ගීතය අබ අසා ඇති සමහරවිට. ගීතයක් උනත්...මෙහෙම ලියන්න ගයන්න ඇහැකිද....අහන්න පුළුවන් ද
කියන්න ඕනේ අදහස්..ලයට සංවේදී ගීත විශාල ප්රමාණයක තිරයෙන් එහා සිටි නිර්මාණ වේදියා ඔහුයි. ජයසිරි අමරසේකරගේ නිර්මාණයක්
|
|
0 |
|
maduranga001
Most Senior Member Posts:14112
07 Oct 2019 08:54 AM |
|
හේතුවක් හරියටම කියා ගන්න බැහැ. පුදුම තනිකමක් පාළුවක් සසල වීමක් දැනෙනවා මේ ගීතය සහ එහි සංගීතය අසද්දී... දෙනෝදාහක් මැද හිටියත්. හිතට දැනෙන විදිහ. ඇයිද කියන්න තේරෙන්නෙ නැහැ. සුළං කපොල්ලේ තැනූ කැදැල්ලේ කෑලි කැඩී බිඳී වැටෙයි නිල් කඳු රැල්ලේ කූඩු කැඩී තැන තැන ගිය පුංචි කිරිල්ලී දැන් ඔබ ලඟ සිටියි රුවක් විලස නොසෙල්ලී යොදුන් ගණන් ඔබමැ සොයා ආ සියුමැල්ලී පිළිගනු ඈ කොහි යන්ට ද නැවත් ඉගිල්ලී ඇයට මවක් පියෙක් නොමැත ක්ෂිතිජ වළල්ලේ කඳුල පමණි ඇයට උරුම දවස මුළුල්ලේ ඔබ තනිකඩ කුරුළු රජෙකි වෙසෙන නිදැල්ලේ ඇයට ලැගුම් දෙන්න සබඳ ඔබේ කැදැල්ලේ පද - මහාචාර්ය සුනිල් ආරියරත්න සංගීතය - රෝහණ වීරසිංහ ගායනය - විශාරද නන්දා මාලිනී
~~~~~ මේ නගරය මා ඔබ මුණ ගැසුණු නගරයයි ~~~~~
|
|
0 |
|
indika76
Most Senior Member Posts:10434
07 Oct 2019 09:01 AM |
|
මේ ගීතයේ පදවැල් විතරක් නෙමෙයි.. රිද්මය, සංගීතය, නන්දා මාලිනියගේ හඩ යන සියල්ලම ඉතා ශෝකී ස්වරයකින් තියෙන්නේ..
|
|
0 |
|
Imalka
Veteran Member Posts:4522
07 Oct 2019 06:00 PM |
|
මදුරංග මැතිදුන් මේ ගීතය ගැන සෑහෙන වාර ගානක් අවුස්සා කතාවට ගත්තා....ඒ තරමට සසල වෙන්න ම වැදිච්ච එකක් වගේ
|
|
0 |
|
07 Oct 2019 06:18 PM |
|
ගොඩක් ලස්සනයි
|
|
0 |
|
indika76
Most Senior Member Posts:10434
08 Oct 2019 12:26 PM |
|
Posted By Imalka on 07 Oct 2019 06:00 PM
මදුරංග මැතිදුන් මේ ගීතය ගැන සෑහෙන වාර ගානක් අවුස්සා කතාවට ගත්තා....ඒ තරමට සසල වෙන්න ම වැදිච්ච එකක් වගේ
මේ ගීතය රචනා කල සුනිල් ආරියරත්න හා ගායනා කල නන්දා මාලිනිය ගේ ජීවිතය බැදුනු ගීතයක් වරක් දේශකයෙකු කියූ බව මතකයේ තියෙනවා..
(අර්ථය දිහා බැලුවම එහෙම අර්ථයක් තමයි තියෙන්නේ)
|
|
0 |
|
Ind007ka
Most Senior Member Posts:12924
08 Oct 2019 02:00 PM |
|
හ්ම්ම්
First they Ignore You , Then they Laugh at You,
Then they Fight with you,
Then You Win....
|
|
0 |
|
indika76
Most Senior Member Posts:10434
19 Oct 2019 03:03 PM |
|
රජ මැදුරක ඉපදී සිටියා නම් නුඹත් රජෙකි පුතුනේ හිරිකඩ බා ගෙන පොල් අතු ඉගිලෙයි අද නුඹෙ සිරියහනේ හීනෙන් හිනා නොවී මා හඬවාපන් මේ රෑ යාමේ පුංචි පැටික්කන් මග දිග හඬවන සිල්ලර රස කැවිලි දුව යන ඉගිලෙන විසිතුරු සෙල්ලම් යානා පෙනී පෙනී අහක බලා ගෙන මග දිග යන විට නෑ මට වාවන්නේ හීනෙන් හිනා නොවී මා හඬවාපන් මේ රෑ යාමේ ඉඳහිට මොළවන ලිපත් දනී පුත කැඳ රස සුණු සහලේ දිව බොජුනක් සේ දිව ගා ඇල්මෙන් අකුරට දිව යන්නේ ඇඳලා කල් ගිය රෙදි වැරලී නෑ මට වාවන්නේ හීනෙන් හිනා නොවී මා හඬවාපන් මේ රෑ යාමේ පද: ලුෂන් බුලත්සිංහල තාල: එච්. එම්. ජයවර්ධන නද: මාලිනී බුලත්සිංහල දිළිඳු කම බොහෝ දෙනෙකුට බලපාන්නා වූ ප්රශ්නයකි. නමුත් සමහරුන් එයින් ඉතාම තදින් බැට කති. දිළිඳු කමේ පතුලේම ගිලී සිටින්නෝ මවු වරු සහ දරුවෝය. එවන් මවක හා දරුවකු පිළිබඳ වූ සංවේදී ගීතයක් ඉහත ශිල්පී ත්රිත්වය බිහි කර ඇත. මේ දරුවා ඉතා කීකරු දරුවෙකි. කුඩා වුවද නැති බැරිකම් ගැන ඔහුට හොඳ අවබෝධයක් ඇත. මග දිගට ඇති රස කැවිලි, සෙල්ලම් බඩු වලට ආශාව ඇතත් ඒ දෙස වත් නොබලමින් ඔහු පාසල් යන්නේ එහෙයිනි. ඔහු අළුත් ඇඳුම් ඉල්වමින් තම මවට කරදර කරන්නේ නැත. වැරහැලි ඇඳගෙනම සිටී. ගෙදර ලිප මෙළවෙන්නේ ඉඳහිටය. එහි පිසින්නේත් සුණු සහල් කැඳය. නමුත් එය රස කරමින් මේ දරුවා පානය කරයි. ඉන් නොනැවති, ඔහු නොදුටු සැප සම්පත් නොපතා හීනෙන් පවා සිනාසෙයි. තම පුතු ඉපිද ඇත්තේ අතු පැලකය. නිකම්ම පොල් අතු පැලක නොව සුළඟට ගසා ගෙන යන පොල් අතු සහිත, හිරිකඩ ගසන, අබලන් පොල් අතු පැලකය. ඔහු රජ මැදුරක ඉපිද සිටියා නම් ඔහු රජ වන්නට පවා හැකිවනුයේ ඔහු දිරිය දරුවකු නිසාය. එවන් දරුවකුට මීට වඩා සැප සම්පත් නොදීමට හැකි වීම ගැන මව සොවින් තැවේ. හීනෙන් සිනා නොවී මව හඬවන්නට කියන්නේ එබැවිනි. වඩාත් සියුම්ව බැලූ කල්හි මේ ගීයේ ඇතැම් වචන වලින් එහි අරුත් කුළු ගැන්වෙන අන්දම මනාව දැකිය හැකිය. රස කැවිලි "සිල්ලර" ය. "පුංචි පැටික්කන්" මග දිගට ඒවා ඉල්ලමින් හඬයි. නමුත් ඉන් කුස පිරෙන්නේ නැත. මේ දරුවා සමාජයේ පුහු ආටෝපයන් කෙරෙන් ඉවත බලා යන්නෙකි. රජකමට ඔහු සුදුසු වන්නේ එබැවිනි. "ඉඳහිට මොළවන" ලිප දක්වන්නේ ඔවුන් කෑම වේලක් ලබන්නේ ඉඳහිට බවයි. වේලක් ලැබූවත් ඒ මිලෙන් අඩු කැඩුණු (සුණු) සහල් පමණකි. එයද බතක් පිස ගැන්මට තරම් නොවේ. එනිසා කැඳ සාදා ගැනීමට ඔවුන්ට සිදු වී ඇත. මේ පද කිහිපය මගින් මේ දරුවා මුහුණ පාන දරිද්ර බවේ තීව්රතාව මනා ලෙස දක්වා සිටී. එනමුත් එවන් වූ අහරක් පවා දිව බොජුනක් ලෙස මේ දරුවා සලකයි. ඔහු පාසල් යාමටද කිසි විටෙක මැලි නොවේ. මෙයින් මේ දරුවාගේ දිරිය මනාව පෙන්වා සිටී. කොටින්ම දරුවාගේ දිරිය මවද ජීවත් කරවන බවක් පෙන්වයි. මුළු ගීය පුරාම පියා ගැන වදනකදු සඳහන් නොවේ. අනෙක් කරුණුද සමග එකව ගත් කල්හි, මේ දරුවා අවජාතක දරුවකුදෝ යන සැකය සහෘදයා තුල ජනිත කරවයි. ලූෂන් බුලත්සිංහල යනු කවදත් විප්ලවීය පද ගීයට ගෙන ආ රචකයෙකි. එනමුත් ඔහු විසින් මෙවන් භාව පූර්ණ ගී ලියැවී ඇත්නම්, ඒ ස්වල්පයක් විය යුතුය. අකාලයේ අප අතරින් වියෝ වූ මාලිනී බුලත්සිංහල ශිල්පිණිය මේ ගීයේ අරුත කුළු ගැන්වෙන භාවයන් සමගින් මේ ගීය ගයන්නීය. ඇගේ අකල් වියෝව අප සංගීත කෙතට එල්ල වූ මහ පහරක්ම වන්නේය.
|
|
0 |
|
Ind007ka
Most Senior Member Posts:12924
21 Oct 2019 06:52 AM |
|
පට්ටා සින්දුව
First they Ignore You , Then they Laugh at You,
Then they Fight with you,
Then You Win....
|
|
0 |
|
samantha
Most Senior Member Posts:13190
21 Oct 2019 07:18 AM |
|
මේ ගීතය රත්න ශ්රී විජේසිංහයන්ගේ අත්දැකීමක් ඇසුරෙන් රචනා කරන ලද්දක්. ගීතය ගැන තොරතුරු සොයාගන්න ලැබුනේ එක්තරා බ්ලොග් අඩවියකින්.
රත්න ශ්රී විජේසිංහ මහතා මොනරාගල ප්රදේශයේ පාසලක ගුරුවරයෙක් විදිහට සේවය
කරන කාලේ වෙච්ච සිද්ධියක් මේක. එතුමා උගන්වපු පාසලේ හිටිය එක්තරා ගැහැණු
ළමයෙක් පැමිණීම මදිකම නිසා ඇය ගැන ටිකක් උනන්දුවෙන් හොයල බැලුව. තාත්තා
නැති ඇය ජීවත් වෙන්නේ අසනීප අම්මත් එක්ක. පවුල ජීවත් කරවන්න මුදල්
හොයාගන්නේ මේ කුඩා දැරිය. ඇය නෙලුම් මල් කඩල එම ප්රදේශයේ තිබුණු දෙමටමල්
විහාරය වඳින්න එන අයට විකුනනවා.
දවසක් මේ ළමය ගැන ආරංචියක් නැතුව යනවා. පස්සේ වැව් ඉවුරේ තිබී ඇගේ මළසිරුර
හොයාගන්නවා. ඇගේ මරණයට රත්න ශ්රී විජේසිංහ මහතාත් සහභගී වෙනවා. ඇගේ සිරුර
තැබීමට තරම්වත් නිවසේ ඉඩ නැහැ. කුඩා පෙට්ටියක පාසැල නිල ඇඳුමෙන් සැරසුණු
ඇගේ සිරුර තබා තිබෙනවා. මේ සිදුවීම මුල් කරගෙන තමයි රත්න ශ්රී විජේසිංහයන්
සුදු නෙළුම කෝ නමින් ගීතයක් රචනා කරන්නෙ.
ගීතය අමරදේව මහතාට දෙන්නේ වසර කිහිපයක් ගතවුනාට පසුවයි. ගීතය පළමුව ගායන
කරන අවස්ථාවේ රැස්ව සිටි පිරිස කඳුළු සැලූ බවද සොයාගන්නට ලැබුන.
ගීතයේ මෙම කතාවට අමතරව තවත් සැඟවුණු අරුතක් ඇති බවක්ද පෙනෙන්නට තිබෙනවා.
රත්න ශ්රී විජේසිංහ නම් අසහාය ගෙය පද රචකයාගේ නිර්මානයක එවන් ගැඹුරු
අරුතක් ගැබ්ව තිබීම බොහෝ විට සිදුවන දෙයක්. එම අර්ථය ගැන කියවා තේරුම
ගැනීම වටී. ගීතය ඇසෙන විට සිතට ශෝකී හැගීම් ජනිත වීම නිසඟයෙන්ම සිදුවේ. වචන
වලටම සරිලන විශිෂ්ට සංගීතය ඊට හේතු වී ඇත.
ගායනය - W.D.අමරදේව
පද රචනය - රත්න ශ්රී විජේසිංහ
සංගීතය - W.D.අමරදේව (මුලාශ්ර සොයාගැනීමට නොහැකි විය. බොහෝ දුරට සංගීතය අමරදේව මහතාගේම විය හැකියි.)
සුදු නෙළුම කෝ සොර බොර වැවේ
මල් සුවඳ කෝ මහියංගනේ
පුන් පෝයදා පාළොස්වකේ
මල් නෙළා විකිණූ පන්සලේ
වැවට කලුවර යා වුනා
සංසාර දුක බෝ වුනා
නෙළු මල් මිට ඉහිරුනා
එහා ඉවුරට පාවුනා
සුදු නෙළුම කෝ....
සිහින් සිරිපොද වෑහුනා
ඉවුරු දෙකොපුල සේදුනා
සුදු නෙළුම් මල දෑස පියවී
මෙහා ඉවුරට පාවුනා
සුදු නෙළුම කෝ...
සියළුදෙනාටම සෙතක් ශාන්තියක් සැලසේවා!!!!
|
|
1 |
|
maduranga001
Most Senior Member Posts:14112
24 Oct 2019 02:35 PM |
|
හැමෝම සසල වෙලා වගේ. සද්ද නැතුව ඉන්නේ....
~~~~~ මේ නගරය මා ඔබ මුණ ගැසුණු නගරයයි ~~~~~
|
|
0 |
|
indika76
Most Senior Member Posts:10434
18 Aug 2020 05:58 PM |
|
සුදු නෙළුම ගීතය ඇත්තටම රත්න ශ්රී විජේසිංහයන් ගේ අත්දැකීමක් කියලා එතුමා පැවසුවා.. එහි අනුවේදනීය කතාව ඇහුවාම නෙතට කඳුලක් ඉනුවා...
|
|
1 |
|