බොරු එකිනෙක ගොතා
දස අත දෙන නෙක කතා
වෙන දෝස නොහිතා
උපන් බිමටම නිගරු කරතා
(9,11,9,14 - මහා පියුම් විරිත )

මඩුවට වැටී ඇත කවක් අද  දිග අඩු  මහත
බොරු නම් බලනු මැන තමයි  ඇති   ඉහත
කියවා බැලුව මුත් නොහැගෙයි එම   පිරිත  
නොම්මර කිහිපයක් ඇත වදන නම්   විරිත

කාගේත් මතකයෙන් ඈතට හැමදා ඇදුනා
ස්ටන් එකේ කවි මඩුව එකතැන      රැඳුනා
අලුතෙන් කවි කෙවිලියන් ගත්තත් හඳුනා
කවි නොවැටෙනා විටදී හිත හරියට රිදුනා

ආවා ටික කාලෙකින් ස්ටන් අය     බලලා යන්න
ගාවා කවි රසය පද පෙළකුත්       ලිව්වා මෙන්න
උදවිය නම්    හිඟයි මම            හොඳ හැටි දන්න
අලුත් බොහෝ අය වෙති කැමතියි හඳුනා ගන්න

ආවත් එක් එක විදියේ හාදයෝ
දකින්නට නෑ වගේ කවි කාරයෝ

කලකින් ආවෙ ඔබ සැම බලලා            යන්න
එනමුත් සැමට දැන් මා අමතක            වැන්න
නැවතත් එන්න කවි මඩුවට පණ         දෙන්න
ආසයි සැවොම හා සතුටින් එක්             වන්න😘

කීම ඒ කාරනා එලෙසින් ඔබ අමතක       වෙන්න
නිතරම ස්ටන් ඇවිදින් කවියක් ලියලා        යන්න
මඩුවේ කවි රසය හැමදා එකලෙස         පවතින්න
මාගේ කවිය ගෙන එනවා මෙසේ එය   පිළිගන්න